మెగా పవర్‌ స్టార్, గ్లోబల్‌ స్టార్ రామ్ చరణ్ ఆర్‌ఆర్‌ఆర్‌ సినిమాతో ప్రపంచవ్యాప్తంగా అభిమానులను సొంతం చేసుకున్న సంగతి తెలిసిందే.
చరణ్ ప్రస్తుతం శంకర్ డైరెక్షన్‌లో రామ్ చరణ్ ‘గేమ్ ఛేంజర్’ సినిమాలో చేస్తున్నాడు. అయితే ఈ సినిమా షూటింగ్ చాలా రోజుల నుంచి జరగడం లేదు. గేమ్ ఛేంజర్ నుంచి ఇప్పటికే పోస్టర్స్, గ్లింప్స్ తప్ప మరే అప్డేట్ బయటకు రాలేదు. అయితే ఈ చిత్రం రిలీజ్ అవుతుందని అనుకునేలోపే ఎన్నికలు రావడంతో వాయిదా పడే అవకాశం ఉన్నట్లు వార్తలు వస్తున్నాయి.
ఇదిలా ఉంటే.. రామ్ చరణ్- బుచ్చిబాబు కాంబోలో ఓ సినిమా తెరకెక్కనున్నట్లు అధికారిక ప్రకటన విడుదలైన విషయం తెలిసిందే. దీనికి సంబంధించిన పోస్ట్ ప్రొడక్షన్ పనులు కూడా స్టార్ట్ అయ్యాయి. కానీ పూజా కార్యక్రమాలు కాకపోవడంతో సెట్‌పైకి రాలేదు. అయితే ఫ్యాన్స్ గేమ్ ఛేంజర్ ఎలాగు వాయిదా పడింది కాబట్టి.. బుచ్చిబాబు తెరకెక్కించే సినిమా షూటింగ్ అయినా స్టార్ట్ అవుతుందని ఊహించారు.
తాజాగా, రామ్ చరణ్ ఓ కీలక నిర్ణయం తీసుకున్నట్లు వార్తలు వైరల్ అవుతున్నాయి. రెండు నెలల పాటు చరణ్ చాలా గ్యాప్ తీసుకుని కుటుంబంతో సమయం గడిపాక బుచ్చిబాబు చేసే సినిమా సెట్‌లో జాయిన్ కావాలని నిర్ణయించుకున్నాడని టాక్. అంతేకాకుండా ఈ మూవీని వచ్చే ఏడాది ప్రేక్షకుల ముందుకు తీసుకురానున్నట్లు తెలిపారు.
అందులో నిజమెంత అనేది తెలియనప్పటికీ ఈ విషయం తెలిసిన వారంతా.. ఏకంగా ఏడాది పాటు సమయం తీసుకోవడం మూర్ఖమైన నిర్ణయం అని అంటున్నారు. ఇక మెగా అభిమానులు మాత్రం ప్లీజ్ చరణ్ అలా చేయకు? అని తలలు పట్టుకున్నారు. సినిమాని ఎంత త్వరగా పూర్తి చేస్తే చరణ్‌కు అంత ప్లస్‌ అవుతుందని సలహాలు ఇస్తున్నారు.
