సెన్సేషనల్ దర్శకుడు ప్రశాంత్ నీల్ డైరెక్షన్లో ఎన్టీఆర్ ఓ సినిమా చేస్తున్న సంగతి తెలిసిందే. ఇప్పటికే, పూజా కార్యక్రమాలతో ఈ సినిమాను లాంచ్ చేశారు. పైగా సంక్రాంతి కానుకగా 2026 జనవరి 9న ఈ సినిమాను ప్రపంచ వ్యాప్తంగా గ్రాండ్ గా ఈ సినిమాని విడుదల చేయనున్నట్లు ముందుగానే ప్రకటించారు
పైగా ‘దేవ‌ర’ హ‌డావుడి తగ్గడంతో ఎన్టీఆర్ ఇప్పుడు తన నెక్ట్స్‌ మూవీస్‌ పై ఫుల్‌ ఫోకస్ పెట్టాడు. ఆల్ రెడీ, ‘వార్ 2’ షూటింగ్ మొదలు పెట్టిన సంగతి తెలిసిందే. అయితే, తాజాగా ‘ఎన్టీఆర్ – ప్రశాంత్ నీల్’ సినిమా పై ఓ క్రేజీ న్యూస్ బయటకు వచ్చింది.
ఈ సినిమా కోసం ప్రశాంత్ నీల్ ఓ సరికొత్త నేపథ్యాన్ని తీసుకున్నారని.. తారక్ పాత్రతో పాటు సినిమాలో మరో స్పెషల్ రోల్‌ కూడా ఉంటుందని.. ఈ నెగిటివ్ పాత్రలో మరో హీరో కనిపించే అవకాశాలున్నాయనే టాక్‌ వినపడుతుంది. మరి ఈ వార్తలో ఎంత నిజం ఉందో చూడాల్సిందే.
ఇక నవంబర్ చివరి వారం నుంచి ఈ సినిమా షూట్ ని ప్రశాంత్ నీల్ మొదలు కాబోతున్నట్లు తెలుస్తోంది. అయితే, ఎన్టీఆర్ మాత్రం జనవరి మూడో వారం తర్వాతే ఈ సినిమా సెట్స్ పైకి వస్తున్నాడంట. అప్పటివరకూ ‘వార్ -2’ సినిమా షూట్ చేస్తాడట. మొత్తానికి భారీ బడ్జెట్ తో తెరకెక్కుతున్న ‘ప్రశాంత్ నీల్ – ఎన్టీఆర్’ సినిమా గురించి నిత్యం ఏదొక వార్త అయితే బయటకు వస్తూనే ఉంది.
