మెగా పవర్ స్టార్ రామ్ చరణ్ హీరోగా దర్శకుడు బుచ్చిబాబు సానా డైరెక్షన్‌ లో ఓ భారీ సినిమా వస్తుంది. ఈ సినిమా షూటింగ్ రీసెంట్‌గా మైసూర్ నగరంలో మొదలైంది. ప్రస్తుత షెడ్యూల్ ను హైదరాబాద్‌ లోని భూత్ బంగ్లాలో ప్లాన్ చేశారు. అయితే, ఇప్పుడు ఈ సినిమాలో మరో హీరో కూడా నటించబోతున్నాడని.. సినిమాలో ఆ హీరోదే చాలా కీలకమైన పాత్ర అని తెలుస్తుంది. నిజానికి ఓ బాలీవుడ్ స్టార్ ను ఈ సినిమాలో తీసుకోబోతునట్లు ఆ మధ్య వార్తలు వినిపించాయి.
బహుశా ఈ పాత్ర కోసమే బాలీవుడ్ హీరోని అప్రోచ్ అవుతున్నారేమో అని తెలుస్తుంది. ఇక ఈ సినిమాలో రామ్ చరణ్ డ్యూయెల్ రోల్ లో కనిపించనున్నారంట. కాగా ఈ సినిమాలో రామ్ చరణ్ సరసన హీరోయిన్ గా జాన్వీకపూర్‌ యాక్ట్‌ చేస్తుంది. ఇక ఈ చిత్రానికి ఏ ఆర్ రెహమాన్ సంగీతం అందిస్తుండగా మైత్రి మూవీ మేకర్స్ తో కలిసి నిర్మాత వెంకట సతీష్ కిలారు ఈ సినిమాకి నిర్మాణ బాధ్యతలు చేపట్టారు.
