ఒకే రకం బుద్ధులు, ఒకే రకం ఆలోచనలు ఉన్నవారు మాత్రమే కాదు. ఒకే రకం కష్టాలు పడుతున్న వారు.. ఒకే రకం వేధింపులకు గురవుతున్న వారిని కూడా మనం ‘బర్డ్స్ ఆఫ్ సేమ్ ఫెదర్’ అని అనవచ్చునేమో! అలాంటి నిర్వచనం సబబే అనుకుంటే గనుక.. జగన్ దళంలోని సోషల్ మీడియా కార్యకర్తలు అనబడే పైశాచిక వ్యక్తుల వేధింపులకు గురవుతున్న వారందరూ కూడా బర్డ్స్ ఆఫ్ సేమ్ ఫెదర్ అనే చెప్పుకోవాలి. సాక్షాత్తూ హోంమంత్రి అయి ఉన్నప్పటికీ కూడా తనకు సోషల్ మీడియా వేధింపులు తప్పడం లేదని, అత్యంత అసభ్యకరమైన పోస్టులు తన గురించి పెడుతున్నారని అనిత కన్నీళ్లు పెట్టుకున్న సంగతి తెలిసిందే. ఇప్పుడు ఏపీసీసీ సారథి వైఎస్ షర్మిల కూడా అదే భావేద్వేగానికి గురవుతున్నారు. నేను కూడా సోషల్ సైకోల బాధితురాలినే. ఏ పార్టీలో ఉన్నా సరే.. ఇలాంటి సైకోలో అంతు చూడాలి అని షర్మిల , ప్రభుత్వానికి విజ్ఞప్తి చేస్తున్నారు.
తాను అసలు వైఎస్ రాజశేఖరరెడ్డికి పుట్టలేదని పోస్ట్ పెట్టి తన వ్యక్తిత్వ హననానికి పాల్పడ్డారని షర్మిల ఆవేదన వ్యక్తం చేశారు. జగన్ కళ్లలో ఆనందం చూడడం కోసం, ఆయన ముఖప్రీతి కోసం.. జగన్ మీద కించిత్తు విమర్శలు చేసినవారిపై కూడా అనుచితమైన రీతిలో విరుచుకుపడిపోతున్నారు. ఆ క్రమంలో వారు ఎవ్వరినీ వదలిపెట్టడం లేదు. జగన్ చెల్లిని, తల్లిని కూడా విడిచిపెట్టడంలేదు. కనీసం తన కుటుంబాన్నయినా వదలిపెట్టండని.. వారిని కంట్రోల్ చేయడం గురించి జగన్ కూడా పట్టించుకోలేదు. తల్లినీ చెల్లినీ విచ్చలవిడిగా తిడుతూంటే ఆయన ఎంజాయ్ చేశారేమో తెలియదు. ఇప్పుడు షర్మిల అదే ఆవేదన వ్యక్తం చేస్తున్నారు.
తాను వైఎస్ కు పుట్టలేదని అన్నారని, తన ఇంటిపేరు మార్చి అవమానించారని మండిపడుతున్నారు. తన తల్లి విజయమ్మ, సోదరి సునీతపైన కూడా విచ్చలవిడిగా పోస్టులు పెట్టి.. రాక్షసానందం పొందారని ఎక్స్ లో ఆమె ప్రస్తావించారు. నాపై పోస్టులు పెట్టిన నర్రా రవీందర్ రెడ్డిపై నేను కూడా పోలీసు స్టేషన్ లో కేసులు పెట్టాను. ఆ సైకో అరెస్టును స్వాగతిస్తున్నాం. సైకో పార్టీలతో కలిసి కొందరు సోషల్ మీడియాను భ్రష్టు పట్టించారు. మానవ, రక్తసంబంధాలు మరచి మృగాల్లా మారారు. ఇలాంటి సైకోలను విడిచిపెట్టకూడదు అని షర్మిల ప్రభుత్వాన్ని కోరుతున్నారు.
వైఎస్సార్ కాంగ్రెస్ తరఫున సోషల్ మీడియాలో అసభ్య బూతు పోస్టులు ప్రచారం చేసే ధూర్తులు కామన్ గా తాము కక్ష కట్టిన నాయకులందరి కుటుంబాలను టార్గెట్ చేస్తున్నట్టుగా కనిపిస్తోంది. భువనేశ్వరి బ్రాహ్మణి నుంచి పవన్ కల్యాణ్ భార్య, కూతుళ్లు, హోంమంత్రి అనిత, జగన్ తల్లి విజయమ్మ, చెల్లెలు షర్మిల అందరూ వారి వేధింపులకు బలవుతున్నవారే. కన్నీళ్లు పెట్టుకుంటున్న వారే..! ఇలాంటి వారిని అరెస్టు చేస్తే జగన్మోహన్ర రెడ్డి వారికి వకాలత్తు పుచ్చుకుంటూ మాట్లాడుతున్నారు. అందుకే ఇప్పుడు వంగలపూడి అనిత, వైఎస్ షర్మిల బర్డ్స్ ఆఫ్ సేమ్ ఫెదర్ లాగా మారారని, ఇద్దరూ ఒకే వ్యక్తి కారణంగా ఒకే తరహా వేధింపులకు బలవుతున్నారని ప్రజలు అనుకుంటున్నారు.
