టాలీవుడ్‌ యంగ్‌ హీరో ఆనంద్‌ దేవరకొండ బేబీ సినిమాతో ఇండస్ట్రీలో భారీ హిట్‌ అందుకున్నాడు. చేసింది రెండు మూడు సినిమాలే అయినప్పటికీ సినీ పరిశ్రమలో మంచి పేరును సంపాదించుకున్నాడు. ఆనంద్‌ తాజా చిత్రం గం..గం..గణేష్ సినిమా నుంచి విడుదలైన ఈ సినిమా ఫస్ట్‌ పోస్టర్ ఇప్పటికే ఇండస్ట్రీలో వైరల్ గా మారింది.
ఈ క్రమంలోనే చాలా రోజుల తరువాత ఆనంద్‌ దేవరకొండ ఈ సినిమా గురించి ఓ క్రేజీ వార్తను సోషల్‌ మీడియా వేదికగా తెలియజేశాడు.
‘గం..గం..గణేష్.’ ఓ యాక్షన్ చిత్రమని…త్వరలోనే సినిమా విడుదల తేదీని ప్రకటిస్తామని ఆయన ట్వీట్ చేశారు. మేము చాలా సంవత్సరాలుగా క్రైమ్, కామెడీ కోసం కష్టపడుతున్నాం. సినిమా చేస్తున్న సమయంలో కొన్ని ఇబ్బందులు ఎదుర్కొన్నాము..కానీ అంతా బాగానే ఉంది.
మీరందరూ సినిమాను ఎంజాయ్ చేస్తారని అనుకుంటున్నాం. ఈ సినిమాలో కామెడీ, డ్రామాను వినూత్నంగా తెరకెక్కించినట్లు ఆనంద్‌ తన సోషల్‌ మీడియా ఖాతాలో పేర్కొన్నారు. ఇప్పటికే సినిమా నుంచి మొదటి సింగిల్ గా ‘బృందావానివే’ పాట ప్రమోషన్‌ ను ప్రారంభించినప్పటి సంగీత ప్రియులను ఆకట్టుకుంటోంది.
మరోవైపు సినిమాలోని పాత్రలు ఎలా ఉంటాయో హింట్ ఇచ్చే విధంగా, థ్రిల్ ఇచ్చే సరదా ట్విస్ట్ గా డిజైన్ చేసిన యానిమేషన్ పోస్టర్ వైరల్ అవుతోంది.
