గామి సినిమాతో హిట్ ని తన ఖాతాలో వేసుకున్న మాస్ కా దాస్‌ విశ్వక్ సేన్‌ ప్రస్తుతం విజయాలను ఆస్వాదిస్తూ ఫుల్ ఖుషీలో ఉన్నాడు. వరుస పెట్టి సినిమాలను లైన్లో పెట్టిన ఆయన ఛల్‌ మోహన్ రంగ దర్శకుడు కృష్ణ చైతన్య డైరెక్షన్‌ లో గ్యాంగ్స్‌ ఆఫ్‌ గోదావరి అనే సినిమాను చేస్తున్నాడు. ఇందులో నేహా శెట్టి హీరోయిన్‌గా నటిస్తోన్న విషయం తెలిసిందే.
ఈ సినిమా మే 17న విడుదల కానుంది. విడుదల తేదీ ద‌గ్గ‌ర‌ప‌డుతుండ‌టంతో చిత్ర బృందం టీజర్ రిలీజ్ చేశారు. ఇక ఈ టీజర్ ను చూస్తే ఫుల్ యాక్షన్ మోడ్ లో ఉంది. ఒక్కసారి లంకలో కత్తి కట్టారంటే ఆ మనిషిని సంపకుండా వదలరు.. అనే మాస్ డైలాగ్ తో టీజర్ స్టార్ట్‌ కాగా.. ఊరంతా విశ్వక్ ని చంపడానికి చూస్తున్నట్టు, విశ్వక్ వారిని ఎదుర్కొంటున్నట్లు చూపించారు. అమ్మోరు పూనేసిందిరా.. ఈ రాత్రికి ఒక్కోడికి శివాలెత్తి పోద్దంతే.. అనే పవర్ ఫుల్ డైలాగ్ తో విశ్వక్ ను మాస్ యాంగిల్ లో చూపించారు.
ఈ టీజర్ తో సినిమా పై మరిన్ని అంచనాలు పెరిగాయి. ఈ సినిమాలో అంజలి మరో లీడ్‌ రోల్‌లో నటిస్తున్నారు.
