న్యాచురల్ స్టార్ నాని ప్రస్తుతం దర్శకుడు శైలేష్ కొలను డైరెక్షన్‌లో ‘హిట్-3’ చిత్రాన్ని తెరకెక్కిస్తున్నాడు. గతంలో వచ్చిన ‘హిట్-2’ మూవీకి సీక్వెల్‌గా ఇది తెరకెక్కుతోంది. ఇక ఈ సినిమాలో నాని పవర్‌ఫుల్ కాప్ పాత్రలో నటిస్తున్నాడు. అయితే, ఈ సినిమా తరువాత నాని ఎవరితో సినిమా చేస్తాడనే విషయంపై సినీ సర్కిల్స్‌లో పలు వార్తలు వినిపిస్తున్నాయి.
నాని ఇప్పటికే ‘దసరా’ చిత్ర దర్శకుడు శ్రీకాంత్ ఓదెల డైరెక్షన్‌లో ఓ సినిమాను మొదలు పెట్టేశాడు. దీంతో పాటు దర్శకుడు సుజిత్‌తోనూ నాని ఓ సినిమా రూపొందించే ప్లాన్ లో అయితే ఉన్నాడు. అయితే, శ్రీకాంత్ ఓదెల సినిమాకంటే ముందే, సుజిత్‌తో సినిమాను పూర్తి చేయాలని నాని ముందు అనుకున్నాడు. కానీ, శ్రీకాంత్ ప్రస్తుతం బౌండెడ్ స్క్రిప్టుతో రెడీగా ఉండటంతో, సినిమా షూటింగ్‌ను మొదలుపెట్టేందుకు సిద్ధంగా ఉన్నాడు.
అటు సుజిత్, పవన్ కళ్యాణ్‌తో ‘ఓజీ’ సినిమా ని పూర్తి చేయాల్సి ఉన్న సంగతి తెలిసిందే. దీంతో శ్రీకాంత్ మూవీనే ముందుగా పూర్తి చేయాలని నాని ఇప్పుడు ఫిక్స్ అయినట్లు తెలుస్తుంది. మరి సుజిత్‌తో నాని సినిమాను ఎప్పుడు పట్టాలెక్కిస్తాడు అనేది ఆసక్తికరంగా మారింది.
