అక్కినేని నాగచైతన్య నటిస్తున్న తాజా సినిమా ‘తండేల్’ ప్రేక్షకుల్లో మంచి అంచనాలను క్రియేట్ చేసిన విషయం తెలిసిందే. ఈ సినిమాను దర్శకుడు చందు మొండేటి దర్శకత్వం వహిస్తుండగా.. పూర్తి రొమాంటిక్ యాక్షన్ థ్రిల్లర్‌గా ఈ సినిమా ప్రేక్షకులను ఆకట్టుకునేందుకు రెడీ అవుతుంది.
ఇక తాజాగా ఈ సినిమాలోని ఫస్ట్ సింగిల్ సాంగ్ ‘బుజ్జి తల్లి’ ని మేకర్స్ విడుదల చేసిన సంగతి తెలిసిందే.ఈ పాటకు దేవిశ్రీ ప్రసాద్ అందించిన మెలోడీ ట్యూన్ ప్రేక్షకులపై మ్యూజిక్‌ మ్యాజిక్ చేసింది. ఈ పాటను విన్నవారు దీనికి అడిక్ట్ అయ్యేలా ఉందంటూ అభిమానులు తమ రెస్పాన్స్ ని తెలుపుతున్నారు. ఇక చార్ట్ బస్టర్స్‌లోనూ ఈ పాట ట్రెండ్ అవుతూనే ఉన్న సంగతి తెలిసిందే. ఈ పాటకు యూట్యూబ్‌లో ఏకంగా 10 మిలియన్ వ్యూస్ అయితే వచ్చాయి.
ఈ పాట ప్రేక్షకులకు స్లోగా ఎక్కుతుందని మేకర్స్ ముందుగా చెప్పినట్లుగా ఇది ఆకట్టుకుంటుండటంతో చిత్ర యూనిట్ సంతోషం వ్యక్తం చేస్తోంది. ఇక ఈ సినిమాలో అందాల భామ సాయి పల్లవి హీరోయిన్‌గా నటిస్తుండటంతో ఈ సినిమాను ఎప్పుడెప్పుడు చూద్దామా అని అందరూ ఎంతో ఆసక్తిగా చూస్తున్నారు. ఫిబ్రవరి 7న ఈ చిత్రాన్ని గ్రాండ్ విడుదల చేసేందుకు మేకర్స్ సిద్దమవుతున్నారు.
