ప్రస్తుతం టాలీవుడ్ ఆడియెన్స్ ఓ రేంజ్ లో ఎదురు చూస్తున్న పలు భారీ సినిమాల్లో పవర్ స్టార్ పవన్ కళ్యాణ్ హీరోగా ప్రియాంక మోహన్ హీరోయిన్ గా దర్శకుడు సుజీత్ తెరకెక్కిస్తున్న భారీ యాక్షన్ సినిమా “ఓజి” కూడా ఒకటి. పవన్ అభిమానులు అయితే మొదట ఈ సినిమాకే ఎక్కువ ప్రిఫరెన్స్ కూడా ఇస్తున్న సంగతి తెలిసిందే. ఇక ఈ పర్టిక్యులర్ సినిమాలో చాలా సర్ప్రైజ్ లు ఉన్నాయని ఓ టాక్ వినపడుతుంది.
మరి వీటిలో పవన్ వారసుడు జూనియర్ పవర్ స్టార్ అకిరా నందన్ ఉన్నాడని ఆ మధ్య వినిపించిన బజ్ సోషల్ మీడియాని ఓ ఊపు ఊపింది. అయితే ఈ సినిమాలో అకిరా ఉన్నాడా లేదా అనే ప్రెజెన్స్ పై గ్లోబల్ స్టార్ రామ్ చరణ్ చెప్పే సమాధానం ఆసక్తిగా మారింది.
చరణ్ బాలయ్య క్రేజీ టాక్ షో అన్ స్టాప్పబుల్ సీజన్ 4 లో గెస్ట్ గా హాజరు కాగా అందులో పవన్ సినిమాలో అకిరా ఉన్నాడా లేదా అనేది తాను ప్రకటించబోతున్నాడు.
అయితే దీనిపై పాజిటివ్ సమాధానమే చరణ్ నుంచి ఉంటుందని ఇపుడు తెలుస్తుంది. మరి చరణ్ చెప్పిన సమాధానం ఏంటో తెలియాలి అంటే ఈ జనవరి 8 సాయంత్రం 7 గంటలకి స్ట్రీమింగ్ వరకు ఆగాల్సిందే.
