పవర్ స్టార్ పవన్ కళ్యాణ్ ముద్దుల తనయుడు అకీరా నందన్ సోషల్ మీడియాలో ఎప్పుడూ హల్‌చల్ చేస్తుంటాడు. అతడి లుక్స్, అతడి లివింగ్ స్టైల్‌తో అభిమానులను తన వైపునకు తిప్పుకుంటున్నాడు ఈ మెగా వారసుడు. తాజాగా అకీరా నందన్‌కి సంబంధించిన కొన్ని ఫోటోలు, వీడియోలు సోషల్ మీడియాలో వైరల్ గా మారాయి.
పవిత్ర పుణ్యక్షేత్రం అయిన కాశీలో అకీరా నందన్ పర్యటించాడు. అక్కడి గంగానదిపై అకీరా ఓ పడవలో కూర్చుని వెళుతున్న వీడియో నెట్టింట వైరల్ గా మారింది. ఈ వీడియోలో అకీరా లుక్స్ మెగా ఫ్యాన్స్‌ను విపరీతంగా ఆకట్టుకుంటున్నాయి. ఇక తనదైన టాలెంట్‌తో అకీరా ఇప్పటికే అభిమానుల్లో మంచి గుర్తింపును తెచ్చుకున్నాడు. ఇంకా సినీ ఎంట్రీ ఇవ్వకపోయినా, హీరో లక్షణాలు పుష్కలంగా ఉన్నాయంటూ అభిమానులు ప్రశంసలు కురిపిస్తున్నారు.
