బాలీవుడ్ టాప్ అండ్ సీనియర్ హీరోయిన్స్ లో ప్రపంచ సుందరి ఐశ్వర్య రాయ్ ఒకరు. అయితే ఒకప్పుడు సినిమాల్లో ఒక వెలుగు వెలిగిన ఐశ్వర్య రాయ్ ఇప్పుడు సినిమాల్లో ఆరుదుగా కనిపిస్తున్న సంగతి తెలిసిందే. ఐశ్వర్య ప్రస్తుతం తన కుటుంబంతోనే ఫుల్‌ బిజీగా గడుపుతుంది. అయితే ఐష్ బాలీవుడ్ దిగ్గజ నటుడు అమితాబ్ బచ్చన్ తనయుడు అభిషేక్ బచ్చన్ ని వివాహం చేసుకుని , ఓ పాపకు తల్లి అయిన సంగతి అందరికీ తెలిసిందే.
నిన్న బచ్చన్ కుటుంబం అంతా కూడా అంబానీ ఫ్యామిలీ పెళ్ళికి కూడా హాజరయ్యారు. కానీ ఈ పెళ్ళిలో అమితాబ్ కుటుంబం అంతా కలిసి కనిపిస్తుంది అనుకుంటే అందులో ఐశ్వర్య రాయ్ ఇంకా తన కూతురు ఆరాధ్యలు వేరే వేరేగా కనిపించడం అందరిని షాక్‌ కి గురి చేసింది. అభిషేక్, అమితాబ్ సహా తన భార్య తదితర కుటుంబీకులు ఒక పిక్ లో కనిపిస్తే ఐశ్వర్య, తన కూతరు ఆరాధ్యలు మాత్రం వేరేగా హాజరయ్యారు.
దీనితో ఒకే కుటుంబం అయిన వీరు ఇలా విడిగా రావడం అనేది సోషల్ మీడియాలో, అలాగే బాలీవుడ్ లో హాట్ టాపిక్ గా మారింది. మరి ఐష్ ఎందుకు సోలోగా వచ్చిందో అనేది అసలు కారణం ఇంకా తెలియాల్సి ఉంది.
