టాలీవుడ్ లో తెర‌కెక్కుతున్న క్రేజీ ప్రాజెక్టుల్లో ‘స‌రిపోదా శ‌నివారం’ ఒక‌టి. నేచుర‌ల్ స్టార్ నాని న‌టిస్తున్న ఈ సినిమాను ద‌ర్శ‌కుడు వివేక్ ఆత్రేయ డైరెక్ట్ చేస్తున్న సంగతి తెలిసిందే. ఇప్ప‌టికే విడుదల అయిన ఈ సినిమా పోస్ట‌ర్స్, వీడియో గ్లింప్స్, సాంగ్స్ ఈ సినిమాపై భారీ అంచ‌నాల‌ను క్రియేట్ చేశాయి. ఈ సినిమా నుంచి తాజాగా మరో ఇంట్రెస్టింగ్ పోస్ట‌ర్ ను చిత్ర బృందం విడుదల చేసింది.
ఈ సినిమాలో ఛాయాదేవి అనే పాత్ర‌లో నటి అభిరామి న‌టిస్తున్న‌ట్లు చిత్ర యూనిట్ ప్రకటించింది. ఆమె పుట్టినరోజు సంద‌ర్భంగా ఓ పోస్ట‌ర్ ను కూడా రిలీజ్ చేశారు. హోమ్లీ పాత్ర‌లో అభిరామి ఈ సినిమాలో న‌టిస్తున్న‌ట్లు ఈ పోస్ట‌ర్ చూస్తే తెలిసిపోతుంది. ఇక ఈ సినిమాలో అందాల భామ ప్రియాంక మోహ‌న్ హీరోయిన్ గా న‌టిస్తోండ‌గా విలక్షణ నటుడు ఎస్.జె.సూర్య విల‌న్‌ గా చేస్తున్న సంగతి తెలిసిందే. ఆగ‌స్టు 29న ఈ సినిమాను ప్ర‌పంచ‌వ్యాప్తంగా రిలీజ్ చేసేందుకు చిత్ర బృందం రెడీ అవుతుంది.
