బాలీవుడ్‌ బాద్‌ షా షారూఖ్‌ ఖాన్ ప్రస్తుతం తన నెక్ట్స్‌ సినిమాని పట్టాలెక్కించేందుకు రెడీ అవుతున్నాడు. సుజ‌య్ ఘోష్ డైరెక్ష‌న్ లో ”కింగ్” అనే సినిమాలో షారుఖ్ న‌టించ‌నున్నట్లు సమాచారం. ఈ సినిమా షూటింగ్ ను త్వ‌ర‌లోనే ప్రారంభించేందుకు మూవీ మేక‌ర్స్ రెడీ అవుతున్నారు. ఇక ఈ సినిమాలో విల‌న్ పాత్ర‌లో ఎవ‌రు న‌టిస్తారా అనే ఆస‌క్తికి ఇంకా వీడ్కొలు పలికారు బిగ్‌ బి అమితాబ్.
కింగ్ సినిమాలో షారుఖ్ ఖాన్ ను ఢీకొనే విల‌న్ పాత్ర‌కు ప‌లువురు స్టార్స్ పేర్లు వినిపించినప్పటికీ …అభిషేక్ బ‌చ్చ‌న్ ఈ సినిమాలో విల‌న్ పాత్ర‌లో న‌టిస్తున్నార‌ని.. ఆయ‌న‌కు ఆల్ ది బెస్ట్ చెబుతూ అమితాబ్ బ‌చ్చ‌న్ తన సోషల్ మీడియా అకౌంట్ లో తెలిపారు. దాదాపు పది సంవత్సరాల త‌రువాత షారుఖ్, అభిషేక్ క‌లిసి యాక్ట్‌ చేయబోతున్నారు. దీంతో అభిమానుల్లో ఈ సినిమాపై ఇప్పుడే అంచ‌నాలు పెరిగిపోయాయి.
ఇక ఈ సినిమాలో సుహానా ఖాన్, ఫ‌హీమ్ ఫాజిల్ ఇత‌ర ముఖ్య పాత్ర‌ల్లో న‌టిస్తున్నారు. సిద్ధార్థ్ ఆనంద్, గౌరీ ఖాన్ లు సంయుక్తంగా ఈ సినిమాను ప్రొడ్యూస్ చేయబోతున్నారు.
