సైలిష్ స్టార్‌, జాతీయ నటుడు అల్లు అర్జున్‌ అరుదైన ఘనతలు సొంతం చేసుకుంటూ ముందుకు దూసుకుపోతున్నాడు. తాజాగా ఆయన మైనపు విగ్రహాన్ని దుబాయ్ లోని మేడమ్‌ టుస్సాడ్స్‌ మ్యూజియంలో గురువారం ఆవిష్కరించారు. దాని ఫోటోను బన్నీ అభిమానులతో షేర్‌ చేసుకుని మురిసిపోయిన సంగతి తెలిసిందే.
ఈ క్రమంలోనే బన్నీ ఫ్యాన్స్ ఎంతో ఆసక్తిగా ఎదురుచూస్తున్న చిత్రం పుష్ప2 . పుష్ప సినిమా ఎంత పెద్ద విజయం సాధించిందో దానికి మించి పుష్ప 2 కూడా సక్సెస్‌ కావాలని చిత్ర బృందం ప్రయత్నిస్తుంది. ఈ క్రమంలోనే సినిమాలోని ప్రతి అంశాన్ని కూడా వారు ఎంతో జాగ్రత్తగా తీర్చిదిద్దుతున్నారు.
ఇప్పటికే ఈ సినిమా నుంచి వచ్చిన కొన్ని అప్డేట్స్‌ ప్రేక్షకుల్లో సినిమా పై అంచనాలను పెంచేశాయి. ఈ క్రమంలోనే బన్నీ బర్త్‌ డే మరో పది రోజుల్లో ఉన్న సంగతి తెలిసిందే. అందుకే ఆరోజు ఓ గ్రాండ్ ట్రీట్‌ ను ప్రేక్షకులకు ఇచ్చేందుకు చిత్ర బృందం రెడీ అవుతున్నట్లు తెలుస్తోంది. బన్నీ బర్త్‌ డే రోజున పుష్ప 2 టీజర్ ని విడుదల చేస్తున్నట్లు టాక్‌ వినిపిస్తుంది.
అయితే దీని గురించి ఇంకా చిత్ర బృందం నుంచి అధికారిక ప్రకటన రావాల్సి ఉంది.
