డాషింగ్ డైరెక్టర్ పూరి జగన్నాథ్.. లైగర్, డబుల్ ఇస్మార్ట్ వంటి పెద్ద డిజాస్టర్ల తర్వాత తన కొత్త సినిమాని విజయ్ సేతుపతి హీరోగా పూరి ప్రకటించాడు. ఈ సినిమాలో సీనియర్ బ్యూటీ టబు ఓ ముఖ్య పాత్రలో నటిస్తున్నట్లు తెలుస్తుంది. ప్రస్తుతం ఈ సినిమా కోసం ఓ ప్రత్యేక సెట్ వేస్తున్నారని.. ఈ సెట్ లో విజయ్ సేతుపతి పై ఓపెనింగ్ సీక్వెన్స్ ను జూన్ లో షూట్ చేస్తారని తెలుస్తోంది. ఈ సినిమాలో మరో బాలీవుడ్ బ్యూటీ కూడా నటించబోతున్నట్లు తెలుస్తోంది. పైగా సినిమాలోని పాత్రలన్నీ చాలా వేరియేషన్స్ తో సాగుతాయట.
మొత్తానికి పూరి ఈ సారి కొత్తగా ట్రై చేస్తున్నాడు. ఐతే, పూరి జగన్నాథ్ దర్శకత్వంలో ఎనర్జిటిక్ స్టార్ రామ్ పోతినేని హీరోగా వచ్చిన “డబుల్ ఇస్మార్ట్” ఆశించిన స్థాయిలో పాజిటివ్ టాక్ ను తెచ్చుకోలేక పోయింది. ముఖ్యంగా పూరి గత సినిమాలతో పోల్చుకుంటే.. ఈ సినిమాలో బలమైన కంటెంట్ మిస్ అయ్యింది అంటూ కామెంట్స్ వినిపించాయి. ఈ నేపథ్యంలో పూరి, విజయ్ సేతుపతి కోసం బలమైన కథను రాసినట్లు ప్రకటించాడు.
