తెలుగు చిత్ర పరిశ్రమలో మోస్ట్‌ ఎలిజబుల్‌ బ్యాచిలర్ అంటే అందరూ ఠక్కున చెప్పే పేరు ప్రభాస్. 44 ఏళ్లు దాటినా ఇంకా ప్రభాస్ పెళ్లి ఊసు ఎత్తడం లేదు. ‘రెబల్ స్టార్’ సై అంటే చేసుకోవడానికి ఎంతో మంది అమ్మాయిలు వెయిటింగ్‌లో ఉన్నా.. మనోడు మాత్రం పచ్చజెండా ఊపడం లేదు. ప్రభాస్ పెళ్లి ఎప్పుడు అని డార్లింగ్ బంధువులు, సన్నిహితులను అడిగినా.. వారు కూడా ఏం సమాధానం చెప్పకుండా తప్పించుకుంటున్నారు. ప్రభాస్ పెళ్లి ఎప్పుడా? అని ఆయన ఫాన్స్ కళ్లు కాయలు కాసేలా ఎదురుచూస్తున్నారు.
అయితే ప్రభాస్ ఇన్‌ స్టా వేదికగా తన అభిమానులకు ప్రభాస్ ఓ శుభవార్త చెప్పారు. తన జీవితంలోకి ఓ ప్రత్యేక వ్యక్తి ప్రవేశించబోతున్నారని ఇన్‌స్టాగ్రామ్‌ స్టోరీలో పేర్కొన్నారు. ‘డార్లింగ్స్.. చివరకు మన జీవితంలోకి ఓ ప్రత్యేక వ్యక్తి ప్రవేశించబోతున్నారు. వెయిట్ చేయండి’ అని ప్రభాస్ తన ఇన్‌స్టాగ్రామ్‌లో పోస్ట్ చేశారు. ప్రస్తుతం ఈ పోస్ట్ సోషల్ మీడియాలో వైరల్ అవుతోంది. త్వరలో ప్రభాస్ పెళ్లి చేసుకోబుతున్నాడు, ప్రభాస్ బ్యాచిలర్ లైఫ్‌కు స్వస్తి చెబుతున్నాడు అంటూ అభిమానులు కామెంట్లు పెడుతున్నారు.
అయితే ఈ పోస్ట్ తన వ్యక్తిగత జీవితం గురించా? లేదా సినిమా గురించా? అన్నది తెలియాల్సి ఉంది.ప్రభాస్ ప్రస్తుతం వరుస సినిమాలతో బిజీగా ఉన్నారు.
