హీరో అల్లరి నరేష్ నటించిన తాజా సినిమా ‘బచ్చల మల్లి’ ప్రేక్షకుల్లో మంచి బజ్‌ని క్రియేట్ చేసిన విషయం తెలిసిందే. ఈ సినిమాను దర్శకుడు సుబ్బు మంగాదేవి డైరెక్ట్ చేస్తుండగా, ఇప్పటికే విడుదలైన పోస్టర్స్, టీజర్ ప్రేక్షకుల్లో ఈ సినిమాపై అంచనాలను పెంచేశాయి. ఇక ఈ చిత్రాన్ని డిసెంబర్ 20న థియేటర్లలో విడుదల చేసేందుకు మేకర్స్ సిద్దమవుతున్నారు.
అయితే, ఈ సినిమా ట్రైలర్ లాంచ్‌ను మేకర్స్ గ్రాండ్‌గా నిర్వహించనున్నారు. ఈ ట్రైలర్ లాంచ్ ఈవెంట్‌కు నేచురల్ స్టార్ నాని ముఖ్య అతిధిగా రానున్నాడు. ఈ చిత్ర ట్రైలర్‌ను డిసెంబర్ 14న సాయంత్రం రిలీజ్ చేశారు.
దీంతో బచ్చల మల్లి కోసం ధరణి వస్తున్నాడంటూ ఓ మాస్ పోస్టర్‌ని కూడా చిత్రబృందం విడుదల చేసింది. నాని కెరీర్‌లో మాస్ పాత్ర దసరా సినిమాలోని ధరణి అని తెలుస్తుంది. ఇప్పుడు అల్లరి నరేష్ కెరీర్‌లో బచ్చల మల్లి కూడా అలాంటి పాత్ర గా నిలుస్తుందని చిత్ర బృందం ధీమా వ్యక్తం చేస్తున్నారు.
ఇక ఈ సినిమాలో అమృత అయ్యర్ హీరోయిన్‌గా నటించింది. ఈ చిత్రానికి విశాల్ శేఖర్ సంగీతం అందించగా, ఈ చిత్రాన్ని హాస్య మూవీస్ బ్యానర్‌పై రాజేష్ దండా, బాలాజీ గుత్తా నిర్మించారు.
