దసరా కాంబో మరోసారి రిపీట్‌ కాబోతున్నట్లు ఇప్పటికే అధికారిక ప్రకటన వచ్చిన సంగతి తెలిసిందే. శ్రీకాంత్‌ ఓదెల..నాని కాంబోలో వచ్చిన దసరా సినిమా ఎంతటి విజయాన్ని అందుకుందో కొత్తగా చెప్పాల్సిన అవసరం లేదు. ఈసారి కూడా శ్రీకాంత్‌ నాని కోసం ఓ అదిరిపోయే కథను రెడీ చేసినట్లు సమాచారం.
దసరా సినిమాలో నానిని శ్రీకాంత్‌ ఓ కొత్త అవతారంలో చూపించాడు. ఆ సినిమాలో నాని లుక్‌, మేకొవర్‌ ప్రేక్షకుల్ని మెస్మరైజ్‌ చేసిన విషయం తెలిసిందే. ఈ సారి కూడా ఈ సినిమా కోసం తెలంగాణ బ్యాగ్రౌండ్‌ ఉండే కథని రాసుకున్నట్లు తెలుస్తుంది. ఈ సినిమా కథ 80 వ దశకంలో సాగుతుందని, అప్పటి నిజాం పరిపాలనలో సాగిన ఓ పోరాట యోధుని కథ ఆధారంగా శ్రీకాంత్‌ స్క్రిప్ట్‌ రాసుకున్నట్లు తెలుస్తుంది.
‘నిజమైన నాయకునికి ఐడెంటిటీ అవసరం లేదనే స్లోగన్‌ ను పోస్టర్‌ పై పెట్టారు. మొత్తానికి ఓ మాస్‌ కథానాయకుని కథతో ఈ సారి నాని తెరమీదకు రాబోతున్నట్లు సమాచారం. ఇప్పటికే ఈ సినిమా నుంచి విడుదలైన ప్రీ లుక్‌ పోస్టర్‌ కూడా చాలా బాగుంది.
