టాలీవుడ్ లో ప‌లు సినిమాల్లో నటించిన ప్రణీత సుభాష్ త‌న‌కంటూ ఓ మంచి గుర్తింపు తెచ్చుకున్న విషయం తెలిసిందే. ప‌వ‌న్ క‌ళ్యాణ్ నటించిన ‘అత్తారింటికి దారేది’ సినిమాలో ప్రణీత మంచి రోల్ లో న‌టించి తెలుగు ప్రేక్ష‌కుల‌కు చేరువైంది. ఇక ఈ ముద్దుగుమ్మ తాజాగా రెండోసారి త‌ల్లికాబోతున్న‌ట్లు తెలిపింది.
తాజాగా బేబీ బంప్ తో ఉన్న ఫోటోల‌ను త‌న ఇన్స్టాలో పోస్ట్ చేసి ఈ శుభవార్త ను అభిమానుల‌తో పంచుకుంది. రౌండ్ 2.. ఇక నుంచి ప్యాంట్లు స‌రిపోవు అంటూ త‌న ప్రెగ్నెన్సీ విష‌యాన్ని సంతోషంగా వివరించింది. 2021లో వ్యాపార‌వేత్త నితిన్ రాజును పెళ్లి చేసుకున్న ప్రణీత, 2022లో ఓ ఆడ‌పిల్లకు జ‌న్మ‌నిచ్చింది. ఇప్పుడు మరోసారి తల్లి కాబోతుండ‌టంతో తాను సంతోషంగా ఉన్న‌ట్లు పేర్కొంది.
కొద్ది రోజుల క్రితమే త‌మిళ, క‌న్న‌డ సినిమాల్లో రెండో ఇన్నింగ్స్ మొదలు పెట్టింది ప్రణీత. ప్ర‌స్తుతం ప్రణీత సుభాష్ బేబీ బంప్ ఫోటోలు నెట్టింట వైర‌ల్ గా మారాయి.
