టాలెంటెడ్ అక్కినేని హీరోల్లో నాగ చైతన్య ఒకరు. రీసెంట్ గా ఆయన “తండేల్” అనే సినిమా ద్వారా మళ్లీ ఫామ్‌లోకి వచ్చారు. ఈ సినిమా మంచి విజయాన్ని సాధించి చైతు కెరీర్‌కి కొత్త ఊపుని ఇచ్చింది. ఇప్పుడు ఆయన కొత్త సినిమాపై ఫోకస్ పెట్టారు. యంగ్ డైరెక్టర్ కార్తీక్ వర్మ దండుతో కలిసి చేస్తున్న ఈ సినిమా ప్రస్తుతం శరవేగంగా షూటింగ్ జరుపుకుంటోంది. ఇది చైతన్య నటిస్తున్న 24వ సినిమా కావడం విశేషం.
ఇక చైతు 25వ సినిమా గురించి కూడా ఇండస్ట్రీలో ఆసక్తికర చర్చలు జరుగుతున్నాయి. అందుబాటులో ఉన్న సమాచారం ప్రకారం, “మజిలీ” వంటి బ్లాక్‌బస్టర్‌ను అందించిన దర్శకుడు శివ నిర్వాణ మళ్లీ చైతుతో జట్టుకట్టే అవకాశముంది. ఈ సినిమా ఖచ్చితంగా నాగ చైతన్య కెరీర్‌లో ఒక మైలురాయిగా నిలవనుందన్న బజ్ సోషల్ మీడియాలో స్పీడ్‌గా పాపులర్ అవుతోంది. అయితే ఈ విషయం అధికారికంగా ప్రకటించాల్సి ఉంది.
ఇక ప్రస్తుతం చైతు నటిస్తున్న కార్తీక్ వర్మ దండు సినిమా విషయానికి వస్తే, ఇది ఒక వైవిధ్యమైన కాన్సెప్ట్‌తో రూపొందుతుంది. భారీ బడ్జెట్‌తో రూపొందిస్తున్న ఈ ప్రాజెక్ట్‌పై అక్కినేని అభిమానుల్లో భారీ అంచనాలున్నాయి. సినిమా విశేషాలు ఒక్కొక్కటిగా బయటకు వస్తున్నకొద్దీ చైతు ఫ్యాన్స్ లో ఎగ్జైట్‌మెంట్ పెరుగుతోంది.
