హీరో నితిన్ ఇటీవల చేసిన ‘తమ్ముడు’ సినిమా బాక్సాఫీస్ వద్ద పెద్దగా రాణించలేకపోయింది. దీంతో ఆయన వరుస ఫెయిల్యూర్స్ జాబితాలో మరో చిత్రం చేరింది. ఇప్పుడు ఈ పరిస్థితి నుంచి బయటపడేందుకు నితిన్ మళ్లీ దర్శకుడు విక్రమ్ కుమార్‌తో జట్టు కట్టబోతున్నాడు. గతంలో ఈ ఇద్దరి కలయికలో వచ్చిన ‘ఇష్క్’ మంచి విజయాన్ని సాధించిన సంగతి తెలిసిందే.
తాజా సమాచారం ప్రకారం, కొత్త సినిమా స్పోర్ట్స్ నేపథ్యంతో రూపొందించడానికి టీమ్ ప్లాన్ చేస్తోందట. ఇందులో నితిన్ గుర్రపుస్వారీ చేసే పాత్రలో కనిపించబోతున్నాడని చెప్పబడుతోంది. ఆ పాత్ర కోసం ఆయన ప్రస్తుతం హార్స్ రైడింగ్ ట్రైనింగ్ తీసుకుంటున్నాడట.
ఇక ఈ ప్రాజెక్టులో హీరోయిన్‌గా పూజా హెగ్డేను తీసుకోవాలని మేకర్స్ ప్రయత్నాలు చేస్తున్నారని టాక్. నితిన్, పూజా ఇద్దరూ మొదటిసారి జోడీగా నటించడం వల్ల ప్రేక్షకులకు కొత్తగా అనిపించే అవకాశం ఉందని అభిమానులు భావిస్తున్నారు. త్వరలోనే ఈ సినిమాకు సంబంధించిన అధికారిక అప్‌డేట్ రానున్నట్లు తెలుస్తోంది.
