తమిళ సూపర్ స్టార్ రజినీకాంత్ హీరోగా నటిస్తున్న తాజా చిత్రం కూలీ ప్రస్తుతం సినిమా ప్రేంల మధ్య భారీ హైప్ క్రియేట్ చేస్తోంది. ఈ సినిమాకి లోకేశ్ కనగరాజ్ దర్శకత్వం వహిస్తుండటంతో, రజినీతో కలిసి ఆయన చేయబోయే సినిమా ఎలా ఉంటుందోనన్న ఆసక్తి ప్రతి ఒక్కరిలో నెలకొంది. ఇప్పటి వరకు రిలీజ్ అయిన కంటెంట్ చూసిన వారందరూ సినిమా అంచనాలు చాలా ఎక్కువయ్యాయి అంటున్నారు.
ప్రోమో వీడియోలకి వచ్చిన స్పందన చూస్తుంటే రజినీకాంత్ ఫ్యాన్స్‌తో పాటు మాస్ ఆడియెన్స్ అంతా కూడా ఈ సినిమాని థియేటర్‌లో చూడాలన్న ఉత్సాహంతో ఎదురుచూస్తున్నారు. సినిమాపై ఉన్న బజ్ కేవలం భారతదేశంలోనే కాదు, అమెరికాలో కూడా భారీ స్థాయిలో కనిపిస్తోంది. అక్కడ ఇప్పటికే డిస్ట్రిబ్యూటర్లు పెద్ద స్థాయిలో రిలీజ్ ప్లాన్ చేస్తున్నారు.
అమెరికాలో ఈ చిత్రానికి సంబంధించిన అడ్వాన్స్ బుకింగ్స్ జూలై 24 నుంచి మొదలవనున్నట్టు చిత్ర బృందం ప్రకటించింది. ఈ అప్డేట్‌తో అభిమానుల ఉత్సాహం మరింత పెరిగింది. అక్కడే కాదు, మన దగ్గర కూడా బుకింగ్స్ ప్రారంభమైన వెంటనే హౌస్‌ఫుల్ బోర్డులు పడే అవకాశాలు ఎక్కువగా ఉన్నాయి అని సినీ వర్గాలు చెబుతున్నాయి.
ఈ సినిమాలో రజినీ సరసన శ్రుతి హాసన్ కీలక పాత్రలో కనిపించనుండగా, ఉపేంద్ర, నాగార్జునల వంటి స్టార్లు కూడా ప్రత్యేక పాత్రలు పోషిస్తున్నారు. అనిరుధ్ సంగీతం అందించగా, సినిమాకు సంబంధించిన ప్రతి అంశం ప్రస్తుతం హాట్ టాపిక్‌గా మారింది.
కూలీ చిత్రాన్ని ఆగస్టు 14న గ్రాండ్‌గా రిలీజ్ చేయనున్నారు. ఈ సినిమా రజినీకాంత్ కెరీర్‌లో మరో పవర్‌ఫుల్ మైల్‌స్టోన్ అవుతుందని ఆయన అభిమానులు ఆశాభావంగా ఎదురుచూస్తున్నారు.
