మెగా ఫ్యామిలీకి చెందిన నిహారిక కొణిదెల నిర్మాతగా చేయగా, ఆమె లాస్ట్ ప్రొడక్షన్ వర్క్ ‘కమిటీ కుర్రోళ్లు’ బాక్సాఫీస్ వద్ద మంచి హిట్‌గా నిలిచింది. యూత్ ఆడియెన్స్‌ను ఆకట్టుకునే ఈ సినిమా ద్వారా నిహారికకు నిర్మాతగా మంచి గుర్తింపు వచ్చింది. ఈ విజయంతో మరింత ఉత్సాహంతో ఆమె తన తదుపరి సినిమాను ప్లాన్ చేస్తోంది.
ఈసారి నిహారిక మళ్లీ యూత్‌కు నచ్చేలా రొమాంటిక్ టచ్ ఉన్న ఎంటర్‌టైనర్‌ను తీసుకొస్తోంది. ఈ ప్రాజెక్ట్‌కు హీరోగా సంగీత్ శోభన్ ఎంపికయ్యాడు. అతను చేసిన గత సినిమాలు యూత్‌లో బాగా హిట్ అయ్యినప్పటికీ, ఇప్పుడు నిహారిక బ్యానర్‌లో చేస్తున్న ఈ సినిమాపై మరింత ఆసక్తి నెలకొంది.
ఇటీవల ఈ సినిమాలో హీరోయిన్ పాత్రకు నయన్ సారికను ఫైనల్ చేశారని టీం అధికారికంగా ప్రకటించింది. దీంతో పాటు ఒక ఇంట్రెస్టింగ్ పోస్టర్‌ను కూడా విడుదల చేశారు. నయన్ ఇప్పటికే ‘ఆయ్’, ‘గం గం గణేశా’, ‘క’ వంటి సినిమాలతో యూత్‌లో మంచి క్రేజ్ సంపాదించింది. ఇప్పుడు సంగీత్‌తో జోడీ కట్టిన ఆమె పాత్ర ఎలా ఉండబోతుందో అనే క్వశన్ మీద చర్చ మొదలైంది.
ఈ సినిమాకు మానస శర్మ దర్శకత్వం వహిస్తున్నారు. కథ, నటీనటులు, టెక్నికల్ టీమ్ వంటి అంశాలపై మరిన్ని వివరాలు త్వరలో తెలియనున్నాయి. నిహారిక గత విజయాన్ని తలపించేలా ఈ సినిమా కూడా అభిమానులను ఆకట్టుకుంటుందో లేదో చూడాలి.
