తెలుగు సినీ ఇండస్ట్రీలో మళ్ళీ ఆహ్లాదకరమైన వాతావరణం కనిపిస్తోంది. చాలా రోజుల తర్వాత సినిమాలు వరుసగా విడుదల అవుతూ థియేటర్ల వద్ద జోష్ పెంచాయి. తాజాగా ధనుష్ హీరోగా, శేఖర్ కమ్ముల దర్శకత్వంలో వచ్చిన ఎమోషనల్ థ్రిల్లర్ ‘కుబేర’ బాక్సాఫీస్ దగ్గర దుమ్ములేపుతూ 100 కోట్లకిపైగా గ్రాస్ వసూళ్లు అందుకుంది. ఈ విజయం తర్వాత ఇప్పుడు ప్రేక్షకుల దృష్టి మరలిపోతున్న మరో భారీ సినిమాపై పడింది. అదే “కన్నప్ప”.
ఈ చిత్రంలో మంచు విష్ణు ప్రధాన పాత్ర పోషించగా, పలు భాషల్లో పెద్దగా గుర్తింపు ఉన్న నటీనటులు ఈ ప్రాజెక్టులో భాగమయ్యారు. భారీ స్థాయిలో రూపొందిన ఈ పాన్ ఇండియా మల్టీస్టారర్ సినిమా విడుదలకు రెడీ అవుతోంది. మొదట్లో చాలా మంది ఈ సినిమాపై పెద్దగా ఆసక్తి చూపకపోయినా, ఇప్పుడు మాత్రం పరిస్థితి మారింది. రిలీజ్ కు ముందు నుంచే ఈ సినిమాకు బుకింగ్స్ ఊహించని స్థాయిలో వస్తున్నాయి.
తెలుగు రాష్ట్రాల్లో గానీ, సింగిల్ స్క్రీన్స్ లోనైనా, మల్టీప్లెక్సులలోనూ ‘కన్నప్ప’కు డే 1 నుంచి మంచి క్రేజ్ కనిపిస్తుంది. ఇదే సమయంలో ‘కుబేర’ రెండో వారంలో కూడా తన స్థాయిలో సూపర్‌గా కొనసాగుతోంది. కానీ ‘కన్నప్ప’ బుకింగ్స్ కారణంగా కొంత మేరకు ‘కుబేర’ వసూళ్లపై ప్రభావం పడే అవకాశం ఉంది.
అయితే ‘కన్నప్ప’కి పాజిటివ్ టాక్ వచ్చి, ప్రేక్షకులను ఆకట్టుకుంటే రెండు సినిమాలు బాక్సాఫీస్‌ను షేక్ చేయడం ఖాయం. ఒకటి ఎమోషనల్ డ్రామా అయితే, మరోటి మైథలాజికల్ యాక్షన్ నేపథ్యంలో సాగుతుండటంతో వీటికి విభిన్నమైన ఆడియెన్స్ దక్కే ఛాన్స్ ఉంది. ఇక ఈ వారం రెండు సినిమాలు ఎలా రన్ అవుతాయో చూడాలి.
