పవర్ స్టార్ పవన్ కళ్యాణ్ హీరోగా నటిస్తున్న భారీ పీరియాడిక్ మూవీ హరిహర వీరమల్లు ఎప్పటి నుంచో ప్రేక్షకులు ఎంతో ఆతురతగా ఎదురుచూస్తున్నారు. ఈ సినిమా మొదటిసారి ప్రకటించినప్పటి నుంచే అంచనాలు ఎక్కడికో వెళ్లిపోయాయి. పవన్ తొలిసారి చారిత్రాత్మక నేపథ్యంలో కనిపించబోతున్నాడు అనే విషయమే ఆంతర్యంగా అభిమానుల ఊహలకు రెక్కలిచ్చింది.
అయితే సినిమాకు సంబంధించిన వాయిదాలు మాత్రం ప్రేక్షకుల నిరీక్షణను మరింత పెంచాయి. మొదటి లుక్ వచ్చినప్పటి నుంచి సినిమా ఆలస్యం అవుతూ వస్తుండటంతో, వాస్తవంగా ఈ సినిమా ఎప్పుడు విడుదలవుతుందో అనే అనుమానాలు కూడా మొదలయ్యాయి. కొన్ని సందర్భాల్లో రిలీజ్ డేట్ ప్రకటించినప్పటికీ చివరిలో మళ్లీ వాయిదా పడింది.
ఇప్పుడు ఎట్టకేలకీ స్పష్టత వచ్చిందని చెప్పాలి. తాజాగా చిత్ర బృందం నుంచి ఒక స్టైలిష్ పోస్టర్ విడుదలైంది. ఇందులో పవన్ కళ్యాణ్ మరియు బాలీవుడ్ నటుడు బాబీ డియోల్ ఉన్నారు. ఇదే పోస్టర్ ద్వారా జూలై 24న హరిహర వీరమల్లు థియేటర్లలోకి రాబోతున్నట్టు అధికారికంగా ప్రకటించారు.
ఇక సినిమా విడుదలకి ఇంకా నెల రోజుల టైమ్ మాత్రమే మిగిలి ఉంది. ఈ గ్యాప్ లో సినిమాపై ఉన్న క్రేజ్ ని మళ్లీ రానివ్వాలంటే మేకర్స్ అందుకు తగ్గట్టుగా ప్రమోషన్స్ ప్లాన్ చేయాల్సి ఉంటుంది. అసలు మొదటి దశలో ఈ సినిమాపై ఏర్పడిన బజ్ మళ్లీ వస్తుందా లేదా అనేది ఇప్పుడు ఆసక్తిగా మారింది.
హరిహర వీరమల్లు ఎప్పుడు వస్తుందా అని ఎదురుచూస్తున్న ఫ్యాన్స్ కి మాత్రం తాజా అప్డేట్ ఒక రిలీఫ్ లాగా మారింది. ఇది నిజంగానే అనుకున్న రోజున రిలీజ్ అయితే, పవన్ అభిమానులకు ఇది పండుగ లాంటి సందర్భమే అవుతుంది.
