కోలీవుడ్ స్టార్ హీరో సూర్య ప్రస్తుతం తమిళంతో పాటు తెలుగులోనూ వరుసగా ఆసక్తికరమైన సినిమాలతో దూసుకెళ్తున్న సంగతి తెలిసిందే. ఇప్పుడు ఆయన 45వ సినిమాకి సంబంధించిన సాలిడ్ అప్‌డేట్ ఒక్కసారిగా వైరల్ అవుతోంది. ఈ సినిమాలో సూర్యకి దర్శకత్వం వహించబోయేది నటుడిగా మంచి గుర్తింపు పొందిన ఆర్జే బాలాజీ.
ఈ సినిమాకి కరుప్పు అనే శక్తివంతమైన టైటిల్‌ని మేకర్స్ ఫిక్స్ చేసి అధికారికంగా ప్రకటించారు. టైటిల్‌తో పాటు సూర్య లుక్‌తో డిజైన్ చేసిన ప్రీ లుక్ పోస్టర్ కూడా బయటకు వచ్చేసింది. అందులో సూర్య ఒక పవర్ఫుల్ యాంగిల్‌లో కనిపించడంతో ఫ్యాన్స్ లో మళ్లీ వింటేజ్ మాస్ సూర్య వేరి లెవెల్ లో ఉండబోతున్నాడని అంచనాలు మొదలయ్యాయి.
ఇక ఈ చిత్రానికి సంగీతాన్ని ఏఆర్ రెహ్మాన్ అందిస్తుండగా, నిర్మాణ బాధ్యతలు డ్రీమ్ వారియర్ పిక్చర్స్ తీసుకుంటున్నాయి. చాలా కాలంగా విభిన్న కథలు, పాత్రలతో అభిమానులను ఆకట్టుకుంటున్న సూర్య ఈసారి ఇంకోసారి మాస్ అవతారంలో కనిపించబోతున్నాడు. ఆర్జే బాలాజీ తీసుకునే ఈ ప్రయత్నం ఎలా ఉంటుందో చూడాలి కానీ ప్రాజెక్ట్ మీద ఇప్పుడే మంచి బజ్ నెలకొంది.
