టాలీవుడ్ లో చాలా కాలం తర్వాత అనుష్క శెట్టి మళ్లీ ప్రధాన పాత్రలో నటిస్తున్న చిత్రం ‘ఘాటి’. ఈ సినిమాపై ఇప్పట్నుంచే ప్రేక్షకుల్లో మంచి బజ్ నెలకొంది. ఎందుకంటే ఈ సినిమాకి క్రిష్ లాంటి టాలెంటెడ్ డైరెక్టర్ దర్శకత్వం వహిస్తున్నాడు. అందుకే మొదటి నుంచి ఈ ప్రాజెక్టుపై విపరీతమైన అంచనాలు ఉన్నాయి. ఇక మేకర్స్ విడుదల చేసిన పోస్టర్లు, గ్లింప్స్ ఇప్పటికే ప్రేక్షకులను ఆకట్టుకుంటున్నాయి. అందుకే సినిమాకి సంబంధించిన ప్రతి అప్డేట్ కోసం అందరూ ఆసక్తిగా ఎదురు చూస్తున్నారు.
ఈ సినిమా ప్రమోషన్స్ కు గట్టిగానే కసరత్తు చేస్తున్నారు మేకర్స్. ఇప్పుడు ఆ ప్రోసెస్ లో భాగంగా ఫస్ట్ సింగిల్ విడుదల తేదీని అనౌన్స్ చేశారు. ‘సైలోరే’ అనే టైటిల్‌తో రెడీ చేసిన ఈ పాటను జూన్ 21న విడుదల చేయనున్నట్లు మేకర్స్ ఓ కొత్త పోస్టర్ ద్వారా వెల్లడించారు. ఈ పోస్టర్ కూడా ఇంట్రెస్టింగ్‌గా ఉండటంతో ఫ్యాన్స్‌లో మరింత హైప్ ఏర్పడింది.
ఈ సినిమాకి నాగవెల్లి విద్యాసాగర్ సంగీతం అందిస్తున్నారు. సినిమాలో మరో ముఖ్య పాత్రలో విక్రమ్ ప్రభు కనిపించబోతున్నాడు. యూవి క్రియేషన్స్, ఫస్ట్ ఫ్రేమ్ ఎంటర్‌టైన్‌మెంట్స్ కలిసి ఈ సినిమాను నిర్మిస్తున్నాయి. అన్నీ పనులు పూర్తిచేసి ఈ సినిమాను జూలై 11న థియేటర్లలో విడుదల చేయడానికి చిత్రబృందం సన్నద్ధమవుతోంది. అనుష్క మళ్లీ సిల్వర్ స్క్రీన్ పై కనిపించబోతున్న సినిమాగా ‘ఘాటి’పై అభిమానుల్లో అంచనాలు భారీగా ఉన్నాయి.
