తమిళ నటుడు సూర్య నటించిన తాజా సినిమా ‘రెట్రో’ సినిమాపై అభిమానుల్లో మంచి ఆసక్తి ఏర్పడింది. ఈ ప్రాజెక్టుకు పేరొందిన దర్శకుడు కార్తీక్ సుబ్బరాజ్ దర్శకత్వం వహించడంతో సినిమాపై భారీ అంచనాలు ఏర్పడ్డాయి. కానీ, థియేటర్లలో విడుదలైన తర్వాత ఈ చిత్రం ప్రేక్షకుల మెప్పును పొందలేకపోయింది. అంచనాలకు భిన్నంగా సినిమా ఫెయిలయ్యింది అనే టాక్ స్పష్టంగా వినిపించింది. బాక్సాఫీస్ వద్ద ఈ మూవీ నిరాశ కలిగించింది.
ఇప్పుడు ఈ చిత్రం ఓటీటీ వేదికగా ప్రేక్షకుల ముందుకు రానుందని సమాచారం. నెట్‌ఫ్లిక్స్ ఈ మూవీ డిజిటల్ హక్కులను తీసుకున్నట్టు టాక్. జూన్ 5 నుంచి స్ట్రీమింగ్ ప్రారంభమవుతుందని సినీ వర్గాల్లో ప్రచారం సాగుతోంది.
ఈ సినిమా థియేటర్లలో ఆశించిన స్థాయిలో ఆడకపోయినా, ఓటీటీ ద్వారా ప్రేక్షకులకు చేరుతుంది కాబట్టి మరింత మంది చూసే అవకాశం ఉందని చిత్రబృందం భావిస్తోంది. ఈ చిత్రంలో పూజా హెగ్డే కథానాయికగా నటించగా, సంగీతాన్ని సంతోష్ నారాయణన్ అందించారు. ఇప్పుడు స్ట్రీమింగ్ ద్వారా ఈ సినిమా ఎలా ఫలితాన్ని ఇస్తుందో చూడాలి.
