బాలీవుడ్ లో స్టైలిష్ గా పేరుగాంచిన హీరో హృతిక్ రోషన్, టాలీవుడ్ లో మాస్ ఫాలోయింగ్ ఉన్న ఎన్టీఆర్ కలిసి నటిస్తున్న భారీ చిత్రం వార్ 2 పై ఇప్పటికే అభిమానుల్లో భారీ ఆసక్తి నెలకొంది. దర్శకుడు అయాన్ ముఖర్జీ రూపొందిస్తున్న ఈ చిత్రం భారీ స్థాయిలో తెరకెక్కుతోంది.
ఇప్పుడు వరకు ఈ సినిమాకు సంబంధించి ఎలాంటి ఫస్ట్ లుక్ పోస్టర్ రిలీజ్ కాకపోయినా, మేకర్స్ డైరెక్ట్ గా టీజర్ ను విడుదల చేయాలని ప్లాన్ చేస్తున్నట్టుగా ఫిల్మ్ సర్కిల్స్ లో చర్చ జరుగుతోంది.
ఇంతలోనే టీజర్ పై కీలక సమాచారం త్వరలోనే బయటకు రానుందని ఇండస్ట్రీలో వార్తలు వినిపిస్తున్నాయి. ప్రముఖ నిర్మాణ సంస్థ యష్ రాజ్ ఫిల్మ్స్ నుంచి ఈ టీజర్ అప్డేట్ మరో రెండు రోజుల లోపే రావచ్చనే ఊహాగానాలు వినిపిస్తున్నాయి.
ఇదే సమయంలో మే 20న ఎన్టీఆర్ బర్త్‌డే సందర్భంగా స్పెషల్ గిఫ్ట్ గా టీజర్ రిలీజ్ చేసే అవకాశం ఉన్నట్లు టాక్. అభిమానులంతా ఇప్పటికే ఈ సినిమా కోసం ఎంతో ఎదురుచూస్తున్నారు కాబట్టి, టీజర్ వచ్చాక హైప్ ఇంకాస్త పెరిగే అవకాశముంది.
ఇంతకాలం ఎన్నో ఊహాగానాల నడుమ ఉన్న వార్ 2 టీజర్ ఇప్పుడు రాబోతుందన్న వార్త ఒక్కటే అభిమానుల్లో కొత్త ఉత్సాహం తీసుకురావడంలో విజయవంతమవుతోంది.
