సౌత్ సినిమా దగ్గర ఎన్నెన్నో ఆణిముత్యాల్లాంటి పాటలు అందించిన లెజెండరీ మ్యూజిక్‌ డైరెక్టర్ ఇళయరాజా గురించి అందరికీ తెలిసిందే. అయితే ఇప్పటికీ కూడా అదే రీతి అద్భుతమైన గీతాలని తాను అందిస్తుండగా ఈ మధ్య కాలంలో వీటితో పాటుగా మరికొన్ని అంశాల్లో తాను హైలైట్ అవుతున్నారు. తాను ఇచ్చిన ఎన్నో చార్ట్ బస్టర్ సాంగ్స్ ని ప్రస్తుత తరం యువ దర్శకులు తమ సినిమాల్లో అభిమానంతో మంచి వైబ్ కోసం పెట్టుకుంటున్నారు.
కానీ ఇదే వారికి చిక్కులు తెస్తుంది. ఇలా తాజాగా అజిత్ యాక్ట్‌ చేసిన గుడ్ బ్యాడ్ అగ్లీ మూవీలో కూడా జరిగింది. తన ట్యూన్ అనుమతి లేకుండా వాడినందుకు తనకి 5 కోట్లు ఆ మూవీ యూనిట్‌ చెల్లించాలి అని ఇళయరాజ ఊహించని షాకిచ్చారు. దీంతో ఈ వార్త సినీ వర్గాల్లో వైరల్ అవుతుంది. మరి దీనిని మేకర్స్ ఎలా సెటిల్ చేస్తారో చూడాల్సిందే. ప్రస్తుతం అయితే ఈ చిత్రం భారీ వసూళ్లు అందుకొని దూసుకెళ్తుంది.
