ఐకాన్ స్టార్ అల్లు అర్జున్, స్టార్ డైరెక్టర్ అట్లీ’ సినిమా ఎప్పుడు మొదలు కాబోతుంది ?, ఎప్పుడు విడుదల అవుతుంది ? అంటూ అభిమానులు ఎంతో ఆసక్తిగా ఎదురుచూస్తున్నారు. ఐతే, ఈ సినిమాలో ప్రియాంక చోప్రా నటిస్తున్నారని టాక్ నడిచింది. ఇప్పుడు మరో క్రేజీ హీరోయిన్ పేరు వినిపిస్తోంది. ఈ సినిమాలో జాన్వీ కపూర్ ను కూడా తీసుకునే ఆలోచనలో టీమ్ ఉందని తెలుస్తోంది. మరి ఈ వార్తలో ఎంతవరకు వాస్తవం ఉందో చూడాలి. ఇక బన్నీ కోసం అట్లీ ఓ పవర్ ఫుల్ స్క్రిప్ట్ ను పూర్తి చేసినట్లు సమాచారం.
మాఫియా బ్యాక్ డ్రాప్ లో ఓ డాన్ చుట్టూ ఈ కథా నేపథ్యం సాగుతుందట. ఈ సినిమా మెయిన్ కథాంశమే చాలా కొత్తగా ఉంటుందని.. మొత్తానికి బన్నీ – అట్లీ నుంచి ఓ పవర్ ఫుల్ యాక్షన్ అండ్ ఎమోషనల్ డ్రామా రానున్నట్లు టాక్ నడుస్తుంది. అన్నట్టు జీ స్టుడియోస్ కంపెనీ, ఈ ప్రాజెక్టును నిర్మిస్తుంది. త్వరలోనే ఈ సినిమా షూట్ ను మొదలు పెట్టే ప్లాన్ లో మేకర్స్‌ ఉన్నట్లు సమాచారం. అట్లీ సినిమా తర్వాత బన్నీతో త్రివిక్రమ్ మూవీ ఉంటుందని సమాచారం.
