గ్లోబల్ స్టార్ రామ్ చరణ్ ప్రస్తుతం దర్శకుడు బుచ్చిబాబు సానా డైరెక్షన్‌ లో RC16 మూవీలో యాక్ట్‌ చేస్తున్న సంగతి తెలిసిందే. ఈ సినిమాను పూర్తి స్పోర్ట్స్ బ్యాక్‌గ్రౌండ్‌తో తెరకెక్కిస్తున్నారు చిత్ర యూనిట్. ఈ సినిమాలో చరణ్ పాత్ర సాలిడ్‌గా ఉండబోతుందని చిత్ర యూనిట్ చెబుతోంది. ఇక ఈ సినిమా తర్వాత చరణ్ ఎవరూ ఊహించిన డైరెక్టర్‌తో సినిమా చేయబోతున్నాడనే టాక్ వినపడుతుంది.
నానితో ‘హాయ్ నాన్న’ వంటి క్లాసిక్ చిత్రాన్ని తెరకెక్కించిన దర్శకుడు శౌర్యువ్, రామ్ చరణ్‌కు ఓ స్టోరీలైన్ చెప్పినట్లుగా సినీ సర్కిల్స్‌లో వార్తలు వినిపిస్తున్నాయి. దీనికి రామ్ చరణ్ కూడా ఓకే చెప్పినట్లు తెలుస్తుంది. దీంతో శౌర్యువ్ ఈ కథను పూర్తిగా డెవలప్ చేసే పనిలో ఉన్నట్లు సినీ సర్కిల్స్‌లో వార్తలు వినపడుతున్నాయి.
ఒకవేళ నిజంగానే చరణ్ ఈ డైరెక్టర్‌కు ఓకే చెప్తే, ఆయన ఎలాంటి కథతో అభిమానుల ముందుకు వస్తాడా అనేది ప్రస్తుతం హాట్ టాపిక్‌ అవుతుంది. ఇక ఈ కాంబినేషన్‌కు సంబంధించి అధికారిక ప్రకటన ఏదైనా వచ్చే వరకు వెయిట్ చేయాల్సిందే అని అభిమానులు కామెంట్ చేస్తున్నారు.
