విజయ్ దేవరకొండ హీరోగా శ్యామ్ సింగ రాయ్ ఫేమ్ ‘రాహుల్ సంకృత్యాన్’ దర్శకత్వంలో ఓ సినిమా వస్తున్న సంగతి తెలిసిందే. అయితే, ఈ సినిమాలో మరో అతిథి పాత్ర ఉందని, ఆ పాత్రలో బాలీవుడ్ సీనియర్ హీరో సంజయ్ దత్ కనిపించబోతున్నారని తాజాగా టాక్ వినపడుతుంది.
ఈ సినిమా షూట్ ఈ నెలలో మూడో వారం నుంచి మొదలు కాబోతుందని తెలుస్తోంది. మొదటి షెడ్యూల్ లో విజయ్ దేవరకొండ ఎంట్రీ సీన్స్ ను షూట్ చేస్తారట.ఇక, ఈ సినిమాలో విజయ్ దేవరకొండ పూర్తిగా సరికొత్త గెటప్ లో కనిపిస్తాడని.. ముఖ్యంగా విజయ్ లుక్ చాలా కొత్తగా ఉంటుందని టాక్ నడుస్తోంది. కాగా, 1854-78 మధ్య కాలంలో జరిగే కథ కాబట్టి, సినిమాలో చాలా వేరియేషన్స్ ఉండబోతున్నాయని తెలుస్తుంది. పైగా ఆర్నాల్డ్ వోస్లూ ఈ సినిమాలో ఓ కీలక పాత్రలో యాక్ట్‌ చేస్తున్నారంట.
మరి నిజంగానే ఆయన ఈ సినిమాలో యాక్ట్‌ చేస్తే కచ్చితంగా ఈ సినిమాకి మంచి ప్లస్ అవుతుంది. ఎంతైనా ‘రాహుల్ సంకృత్యాన్’ డైరెక్షన్‌ లో నాని హీరోగా వచ్చిన శ్యామ్ సింగ రాయ్ మంచి విజయాన్ని అందుకున్న సంగతి తెలిసిందే. దీంతో, విజయ్ దేవరకొండ సినిమా పై కూడా భారీ అంచనాలు నెలకొన్నాయి.
