టాలీవుడ్‌లో సినిమాలు విడుదల కావడం, ప్రేక్షకులు వాటికి తగ్గట్టుగా తీర్పును ఇవ్వడం మనం చూస్తూనే ఉంటాం. అయితే, భారీ చిత్రాలకు పైరసీ భూతం బెడద ఎప్పటినుంచో పెద్ద సమస్యగా మారింది. కానీ, ఇటీవల ఈ పైరసీ భూతం టాలీవుడ్ వర్గాలకు పెద్ద తలనొప్పిగా తయారైంది. విడుదల రోజునే హెచ్‌డీ ప్రింట్ సినిమాలను ఆన్‌లైన్‌లో పెట్టేస్తున్నారు పైరసీ కేటుగాళ్లు.
ఇటీవల ‘గేమ్ ఛేంజర్’ మూవీ కూడా ఈ సమస్య బారిన పడింది. విడుదల రోజునే హెచ్‌డీ ప్రింట్ ఆన్‌లైన్‌లో ప్రత్యక్షం కావడం ఆ సినిమాకు భారీ నష్టం కలిగించింది. దీంతో ఆ చిత్ర మేకర్స్ దాని వెనకాల ఉన్న వ్యక్తులను పట్టుకునేందుకు ప్రయత్నించారు. కాగా, ఇప్పుడు తాజాగా విడుదలైన ‘తండేల్’ మూవీకి కూడా ఈ సమస్య ఎదురైంది.
విడుదలైన కొన్ని గంటల్లోనే హైక్వాలిటీ ప్రింట్ ఆన్‌లైన్‌లో ప్రత్యక్షమైంది.దీంతో తండేల్ మేకర్స్ ఆందోళన వ్యక్తం చేస్తున్నారు. అసలు సినిమాను ఇంత హై క్వాలిటీ ప్రింట్‌తో ఎలా ఆన్‌లైన్‌లో లీక్ చేస్తున్నారా అనేది మిలియన్ డాలర్ క్వశ్చన్‌గా మారింది.
