మీసాలు మేలేస్తారు అంతే! పవర్ స్టార్ పవన్ కళ్యాణ్ నటిస్తున్న తాజా సినిమాల్లో ‘ఓజి’ కూడా ఒకటి. ఈ సినిమాను డైరెక్టర్‌ సుజిత్ డైరెక్ట్ చేస్తుండగా పూర్తి గ్యాంగ్‌స్టర్ మూవీగా ఈ మూవీని తెరకెక్కిస్తున్నారు. ఇక ఈ సినిమా నుంచి ఇప్పటికే విడుదలైన పోస్టర్స్, వీడియో గ్లింప్స్ ఈ మూవీపై అంచనాలను నెక్ట్స్ లెవెల్‌లో క్రియేట్ చేశాయి.
ఈ సినిమాకు థమన్ సంగీతం అందిస్తుండటంతో ఈ సినిమా మ్యూజిక్ ఏ రేంజ్‌లో ఉండబోతుందా అని అందరూ ఎంతో ఆసక్తిగా ఎదురు చూస్తున్నారు. అయితే, తాజాగా ‘ఓజి’ మూవీకి థమన్ అందించే మ్యూజిక్‌పై ఆయన తాజాగా స్పందించారు. ఈ సినిమా మ్యూజిక్ ప్రేక్షకులను కచ్చితంగా ఆకట్టుకుంటుందని.. ఈ మ్యూజిక్ విడుదల అయ్యేసరికి తాను గడ్డం, మీసం పెంచుకుంటానని.. ఈ చిత్ర మ్యూజిక్ విడుదలైన తర్వాత తాను మీసం మెలేస్తానని ఓ ఇంటర్వ్యూలో వివరించారు. ఈ సినిమా కోసం సుజిత్ అండ్ టీమ్ ఎంతో కష్టపడుతున్నారని.. దీని ఔట్‌పుట్ ప్రేక్షకులను మెస్మరైజ్ చేయడం ఖాయమని ఆయన అన్నారు.
