చిరు, అనీల్ రావిపూడి ప్రాజెక్ట్ పై అదిరిపోయే అప్టేట్‌! టాలీవుడ్ మెగా స్టార్‌ హీరో చిరంజీవి కథానాయకుడిగా ఇపుడు యంగ్‌ డైరెక్టర్స్‌ తో ప్రాజెక్ట్స్ ఓకే చేస్తున్న సంగతి తెలిసిందే. మరి ఈ సినిమాల్లో ప్రస్తుతం డైరెక్టర్‌ వశిష్ఠతో భారీ సినిమా “విశ్వంభర” సెట్స్ మీద ఉండగా ఈ సినిమా తర్వాత మెగాస్టార్ నుంచి శ్రీకాంత్ ఓదెల అలాగే అనీల్ రావిపూడి కాంబోలో సినిమాలు కూడా ఉన్నాయి.
అయితే మెగాస్టార్ తో అనీల్ ఒక సాలిడ్ ఎంటర్టైనర్ ని చేస్తానని చెప్పిన సంగతి తెలిసిందే.అలాగే ఇపుడు దీనిపై మరిన్ని ఆసక్తికర వార్తలు బయటకు వస్తున్నాయి. దీంతో అనిల్ రావిపూడి మెగాస్టార్ తో సినిమాని కొంచెం అప్డేటెడ్ వెర్షన్ కామెడీతో ట్రై చేస్తున్నానని వివరిస్తున్నారు. అలాగే చిరు మార్క్ ఎక్కడా మిస్ కాకుండా ఉండేలా ప్లాన్ చేస్తున్నారట.
ఇక ఇది మాత్రమే కాకుండా ఈ సినిమా ఈ ఏడాదిలోనే మొదలు పెట్టి ముగించేసి వచ్చే ఏడాది సంక్రాంతి బరిలో డెఫినెట్ గా నిలిపే ప్రయత్నాలు కూడా జరుగుతున్నాయట. దీంతో ఈ క్రేజీ కలయికపై మరిన్ని అంచనాలు ఏర్పడ్డాయి.
