మడతా కాజా నిర్మాత కన్నుమూత! టాలీవుడ్ యంగ్ అండ్ టాలెంటెడ్ హీరో అల్లరి నరేష్ తో ‘మడత కాజా‘, ‘సంఘర్షణ‘ వంటి సినిమాలను నిర్మించిన ప్రముఖ నిర్మాత వేదరాజు టింబర్ (54) ఈరోజు ఉదయం కన్నుమూశారు. దీనితో టాలీవుడ్ లో విషాదం నెలకొంది.
అయితే సినిమాల పై ఇష్టంతో ఓ వైపు గృహ నిర్మాణ రంగంలో బిజీ గా ఉంటూనే సినీ నిర్మాణ రంగం లోకి కూడా తాను కాలు పెట్టారు. అయితే త్వరలో మరో చిత్ర నిర్మాణానికి సన్నాహాలు జరుగుతున్న సమయంలోనే ఈ సంఘటన జరిగింది. గత కొంతకాలంగా ఊపిరితిత్తులకు సంబంధించిన అనారోగ్యంతో హైదరాబాద్ లోని ఏఐపీ ఆసుపత్రిలో ఆయన చికిత్స తీసుకుంటున్నారు.
త్వరలోనే కోలుకుని వస్తారు అని సన్నిహితులు , కుటుంబ సభ్యులు భావిస్తున్న తరుణంలో ఇలా జరగటం వారందరిలో విషాదాన్ని నింపింది. ఆయనకు భార్య, కుమార్తె ఉన్నారు. అంత్య క్రియలు శుక్రవారమే నిర్వహించనున్నారు.
