టాలీవుడ్ సూపర్ స్టార్ మహేష్ బాబు ప్రస్తుతం తన మూవీ కెరీర్‌లోని 29వ చిత్రాన్ని టాలీవుడ్ దర్శకధీరుడు ఎస్.ఎస్.రాజమౌళి డైరెక్షన్‌లో తెరకెక్కిస్తున్నాడు. ఈ సినిమాను ఇటీవల మొదలు పెట్టారు మూవీ మేకర్స్. ఇక ఈ సినిమాను పూర్తి అడ్వెంచర్ థ్రిల్లర్‌గా తెరకెక్కించనున్నారు. మహేష్ బాబు ఈ సినిమాలో సరికొత్త లుక్‌తో ప్రేక్షకుల్ని అలరించబోతున్నాడు. కాగా, మహేష్ బాబు గురించి ‘పంజా’ మూవీ డైరెక్టర్‌ విష్ణు వర్ధన్ పలు ఆసక్తికర కామెంట్లు చేశారు.
విష్ణు వర్ధన్ డైరెక్ట్ చేసిన లేటెస్ట్ మూవీ ‘ప్రేమిస్తావా’ అనే టైటిల్‌తో తెలుగులో విడుదల కాబోతుంది. ఈ సినిమా ప్రమోషన్స్‌లో భాగంగా ఆయన ఇచ్చిన ఓ ఇంటర్వ్యూలో మహేష్ బాబు తాను చిన్నప్పుడు కలిసి చదువుకున్నామని.. అయితే తమ స్కూల్ డేస్‌లో మహేష్‌తో కలిసి పోకిరి వేషాలు వేసేవాడినని ఆయన చెప్పారు. తమ చిన్నతనంలో పరీక్షలు ఈజీగా పాస్ కావాలని ప్రశ్నాపత్రాలను కొనుక్కునే వారి మని.. అయితే అవి ఫేక్‌వి కావడంతో తాను ఫెయిల్ అయ్యేవాడినని.. మహేష్ మాత్రం ఎలాగోలా పాస్ అయ్యేవాడని ఆయన చెప్పారు.
మొత్తానికి మహేష్ బాబుకి సంబంధించిన ఈ సీక్రెట్‌ను విష్ణు వర్ధన్ రివీల్ చేయడంతో అభిమానులు ఈ విషయాన్ని నెట్టింట తెగ వైరల్ చేస్తున్నారు.
