ఇప్పుడు టాలీవుడ్ నుంచి రాబోతున్న పలు భారీ సినిమాల్లో మంచు వారి హీరో మంచు విష్ణు హీరోగా నటిస్తున్న తన డ్రీం ప్రాజెక్ట్ సినిమా “కన్నప్ప” గురించి అందరికీ తెలిసిందే. అయితే ఈ మూవీ కోసం ఇండియా వైడ్ గా అనేకమంది స్టార్స్ ఈ సినిమాలో కనిపించనుండగా ఈ సినిమాలో పాన్ ఇండియా స్టార్ హీరో ప్రభాస్ కూడా కీలక పాత్ర పోషిస్తున్న సంగతి తెలిసిందే.
అయితే ఈ మూవీలో ప్రభాస్ కేవలం చిన్న క్యామియో రోల్ మాత్రమే చేస్తున్నాడని టాక్ వచ్చింది. కానీ అంతకు మించే తనపై ట్రీట్ ఉంటుంది అని ఇపుడు బజ్ వినిపిస్తుంది. ఇలా తన స్క్రీన్ టైం దాదాపు 20 నిమిషాలు ఉంటుందని మొదట ఓ టాక్ రాగా ఇపుడు మరో సాలిడ్ అప్డేట్ అయితే తెలిసింది.
దీంతో కన్నప్ప లో ప్రభాస్ పై ఓ స్పెషల్ సాంగ్ కూడా ఉన్నట్టుగా టాక్ వినపడుతుంది. ఈ సాంగ్ ని ప్రముఖ డాన్స్ మాస్టర్ గణేష్ మాస్టర్ కంపోజ్ చేసినట్టు సమాచారం. దీంతో ఈ సినిమాలో ప్రభాస్ చాలా లిమిటెడ్ గానే కనిపిస్తాడు అనుకుంటే కొన్ని ఊహించనివే మేకర్స్ ప్లాన్ చేస్తున్నారని చెప్పాలి. మరి ప్రభాస్ లాంటి స్టార్ ని వీరు ఎలా హ్యాండిల్ చేస్తారో అనేది మాత్రం వేచి చూడాల్సిందే.
