అసలు గ్యాప్ తీసుకోవడం లేదు మరి! హీరో నితిన్ నటిస్తున్న తాజా సినిమా తమ్ముడు ఇప్పటికే శరవేగంగా షూటింగ్ చేసుకుంటుంది. ఈ సినిమాను దర్శకుడు శ్రీరామ్ వేణు డైరెక్ట్ చేస్తున్నాడు. ఇక ఈ సినిమాను శ్రీ వెంకటేశ్వర క్రియేషన్స్ బ్యానర్ ప్రొడ్యూస్ చేస్తుండటంతో ఈ మూవీపై మంచి అంచనాలు పెరిగిపోయాయి. ఈ సినిమా షూటింగ్ ప్రస్తుతం నిర్విరామంగా జరుగుతోంది.
సంక్రాంతి పండుగ సమయంలో కూడా ఎలాంటి బ్రేక్ లేకుండా ఈ మూవీ షూటింగ్ జరిపేసుకుంది. ప్రస్తుతం సినిమా క్లైమాక్స్ సన్నివేశాలను తెరకెక్కిస్తున్నారు. దర్శకుడు శ్రీరామ్ వేణు వీలైనంత త్వరగా హై క్వాలిటీతో ఈ మూవీని పూర్తి చేసేందుకు శ్రమిస్తున్నారు. ఇక ఈ సినిమాలో సప్తమి గౌడ హీరోయిన్‌గా నటిస్తోంది. ఈ సినిమాలో లయ ఓ కీలక పాత్రలో నటిస్తోంది. ఇక ఈ సినిమాకు అజనీష్ లోక్‌నాథ్ సంగీతం అందిస్తున్నాడు.
