తమిళ హీరో ధనుష్ ప్రస్తుతం వరుసగా సినిమాలు చేస్తూ ఫుల్‌ బిజీగా ఉన్నాడు. ఆయన లైనప్ చూస్తే చేయబోయే సినిమాలు ఎప్పుడెప్పుడు పూర్తవుతాయా అని అభిమానులు ఎంతో ఆసక్తిగా ఎదురు చూస్తున్నారు. ఇక ధనుష్ కెరీర్‌లో పలు బ్లాక్‌బస్టర్ సినిమాలను అందించిన కల్ట్ డైరెక్టర్ వెట్రి మారన్‌తో ఇప్పుడు మరో సినిమాకు ధనుష్ సిద్ధమవుతున్నాడు.
వీరి కాంబోలో నాలుగు సక్సెస్‌ఫుల్ సినిమాలు వచ్చాయి. అందులో ఆడు కాలం, వడా చెన్నై, అసురన్ వంటి బ్లాక్ బస్టర్‌ హిట్లు కూడా ఉన్న సంగతి తెలిసిందే. ఇక ఇప్పుడు వెట్రిమారన్‌తో ధనుష్ 5వ సారి జత కడుతున్నారు. ఈ సినిమాను ఆర్ఎస్ ఇన్ఫోటైన్‌మెంట్ సంస్థ ప్రొడ్యూస్ చేస్తుంది. ఈ మేరకు మేకర్స్ అధికారిక ప్రకటన కూడా విడుదల చేశారు.
దీంతో ధనుష్ ఫ్యాన్స్‌తో పాటు వెట్రి మారన్ అభిమానులు కూడా ఈ సినిమా కోసం ఆసక్తిగా ఎదురు చూస్తున్నారు. ఇక ధనుష్ ప్రస్తుతం ‘కుబేర’, ‘ఇడ్లీ కడాయ్’ చిత్రాలతో ఫుల్‌ బిజీగా గడుపుతున్నాడు. అటు వెట్రి మారన్ డైరెక్ట్ చేసిన రీసెంట్ మూవీ ‘విడుదల 2’ విజయవంతంగా 25 రోజులు పూర్తి చేసుకున్న విషయం తెలిసిందే.
