గ్లోబల్ స్టార్ రామ్ చరణ్ హీరోగా కియార అద్వానీ, అంజలి హీరోయిన్స్ గా డైరెక్టర్‌ శంకర్ తెరకెక్కించిన మోస్ట్ అవైటెడ్ సినిమానే “గేమ్ ఛేంజర్”. అయితే ఈ సినిమాకి ఎంతటి నెగిటివిటీ జరగాలో అంత నెగిటివిటీ జరిగిన విషయం అందరికీ తెలిసిందే. మిక్స్డ్ టాక్ ఉన్నప్పటికీ దానికి మించిన నెగిటివ్ ప్రచారం మాత్రం భారీ స్థాయిలో ఏ సినిమాకి జరగనంత లెవల్లో జరిగింది.
దీంతో మేకర్స్ కూడా భారీగానే స్పందించారు. మరి డే 2 నుంచి గేమ్ ఛేంజర్ వసూళ్లపై ఎఫెక్ట్‌ గానే పడింది. కానీ ఒక దగ్గర మాత్రం ఈ సినిమాకి స్టడీ వసూళ్లు అందుతున్నాయని చెప్పుకోవాలి. అదే హిందీ మార్కెట్ లో నార్త్ లో గేమ్ ఛేంజర్ కి మంచి ఓపెనింగ్స్ అందుకుంటుంది. ఇంట్రెస్టింగ్ గా మూడు రోజులు కూడా ఇదే కొనసాగింది.
దీంతో రానున్న ఇంకొన్ని రోజులు పాటుగా గేమ్ ఛేంజర్ కి అక్కడ మంచి వసూళ్లు వస్తున్నాయని తెలుస్తోంది. బాలీవుడ్ లో ఈ జనవరి 23 వరకు సరైన సినిమాలు ఏవి లేవని తెలుస్తుంది. సో అప్పటి వరకు హిందీ మార్కెట్ లో మాత్రం గేమ్ ఛేంజర్ కి పెద్దగా ఎలాంటి ప్రాబ్లమ్‌ ఉండదనే చెప్పుకోవాలి.
