టాలీవుడ్ యంగ్ అండ్ టాలెంటెడ్ హీరో మాస్ కా దాస్ విశ్వక్ సేన్ తాజాగా నటించిన సినిమా “మెకానిక్ రాకీ” విజయం తరువాత, ఆయన నుంచి రాబోతున్న మరో ఆసక్తికరమైన సినిమా “లైలా”. ఈ చిత్రంలో విశ్వక్ ద్విపాత్రాభినయం చేస్తుండగా, ఒక పాత్రలో అమ్మాయిలా కనిపించనున్నారు. ఈ పాత్ర ఆయనకు చాలా ఛాలెంజింగ్ గా ఉందని తెలుస్తుంది.
తాజాగా, “లైలా” సినిమా నుంచి మేకర్స్ ప్రీ లుక్ పోస్టర్ విడుదల చేసి అభిమానులకు మంచి కిక్‌ ఇచ్చారు. ఈ క్రిస్మస్ కానుకగా డిసెంబర్ 25 ఉదయం 11:07 నిమిషాలకు ఫస్ట్ లుక్ పోస్టర్ విడుదల చేయనున్నట్లు చెప్పారు. ప్రీ లుక్ పోస్టర్ లో “సోనూ మోడల్ వస్తున్నాడు” అంటూ క్రేజీ టీజర్ కలకలం రేపింది.
ఈ చిత్రానికి రామ్ నారాయణ్ దర్శకత్వం వహిస్తుండగా, సాహు గారపాటి నిర్మాణ బాధ్యతలు చేపట్టారు.రొమాంటిక్ థ్రిల్లర్ జానర్ లో తెరకెక్కుతున్న ఈ మూవీ వచ్చే ఏడాది ఫిబ్రవరి 14న ప్రేక్షకుల ముందుకు రానుంది. “లైలా” ఫస్ట్ లుక్ ఎలా ఉండబోతుందో అని అభిమానులు ఆసక్తిగా ఎదురు చూస్తున్నారు.
