గ్లోబల్ స్టార్ రామ్ చరణ్ హీరోగా కియారా అద్వానీ అలాగే అంజలి హీరోయిన్స్ గా డైరెక్టర్‌ శంకర్ తెరకెక్కించిన మోస్ట్‌ అవైటెడ్ సినిమా “గేమ్ ఛేంజర్” గురించి అందరికీ తెలిసిందే. మరి ఎన్నో అంచనాలు ఏర్పరచుకున్న ఈ సినిమా కోసం అభిమానులు ఎంతో ఆసక్తిగా ఎదురు చూస్తుండగా ఇప్పటికే చాలా లేట్ గా అప్డేట్స్ ని మొదలు పెట్టి మళ్ళీ ఎక్కువ గ్యాప్ తీసుకుంటున్నారు.
ఇక సినిమా రిలీజ్ కి సరిగ్గా నెల మాత్రమే ఉన్నప్పటికీ ట్రైలర్ పై కానీ ఇతర సాంగ్స్ పై కానీ ఇంకా ఎలాంటి అప్డేట్ ని మేకర్స్ ప్రకటించలేదు. అయితే ఇపుడు ట్రైలర్ పై లేటెస్ట్ బజ్ వినిపిస్తుంది. దీనితో ఈ సినిమా ట్రైలర్ ని ఈ నెలాఖరుకి విడుదల చేయనున్నారని సమాచారం.
మాములుగా ఇతర పెద్ద నటుల సినిమాల ట్రైలర్స్ ఒక నెల ముందే లేదా 15 రోజుల ముందే విడుదల చేస్తున్నారు. మళ్ళీ సినిమా విడుదల ముందు రెండో ట్రైలర్ కూడా ఇస్తున్నారు. అయినప్పటికీ గేమ్ ఛేంజర్ కి ఇంత లేట్ గా విడుదల చేస్తుండడం గమనార్హం.
