టాలీవుడ్ రౌడీ స్టార్ విజయ్ దేవరకొండ ప్రస్తుతం దర్శకుడు గౌతమ్ తిన్ననూరి డైరెక్షన్‌లో సినిమా చేస్తున్న సంగతి తెలిసిందే. ఈ సినిమాను VD12 అనే వర్కింగ్ టైటిల్‌తో రూపొందిస్తున్నారు. ఈ సినిమాలో విజయ్ సరికొత్త లుక్‌తో ప్రేక్షకులను మెస్మరైజ్ చేసేందుకు సిద్దమవుతున్నాడు.
ఇక ఈ సినిమాతో బాక్సాఫీస్ దగ్గర విజయ్ దేవరకొండ సాలిడ్ సెన్సేషన్ క్రియేట్ చేయడం ఖాయమని అభిమానులు చాలా ధీమా వ్యక్తం చేస్తున్నారు. ఇదిలా ఉండగా, విజయ్ దేవరకొండ నెక్స్ట్ మూవీకి సంబంధించి సినీ సర్కిల్స్‌లో ఓ వార్త జోరుగా షికారు చేస్తుంది. విజయ్ దేవరకొండ తన నెక్స్ట్ చిత్రాన్ని క్లాసిక్ చిత్రాల దర్శకుడు మోహనకృష్ణ ఇంద్రగంటి డైరెక్షన్‌లో చేయనున్నట్లు సమాచారం.
గతంలో ఇంద్రగంటి ‘జటాయు’ అనే పవర్‌ఫుల్ కథను విజయ్‌కి వినిపించారని.. ఇప్పుడు ఈ సినిమాను తన నెక్స్ట్ చిత్రంగా విజయ్ తెరకెక్కించేందుకు ఎంతో ఆసక్తిగా ఉన్నాడని టాక్ అయితే వినపడుతోంది.ఈ సినిమా టైటిల్ ‘జటాయు’ మాత్రమే కాదు.. ఇందులో విజయ్ చేయబోయే పాత్ర కూడా చాలా పవర్‌ఫుల్‌గా ఉండబోతుందని సినీ సర్కిల్స్ లో ఓ టాక్ ఫుల్‌ గా నడుస్తుంది.
మరి ఈ వార్తలో ఎంతవరకు నిజం ఉందనేది తెలియాలంటే మాత్రం అధికారిక ప్రకటన వచ్చే వరకు ఆగాల్సిందే మరి.
