కన్నడ హీరో రిషబ్ శెట్టి ‘కాంతార’ చిత్రంతో ఒక్కసారిగా ఇండియాన్ బాక్సాఫీస్ దగ్గర సంచలనాలు సృష్టించాడు. ఈ సినిమా బాక్సాఫీస్ దగ్గర బ్లాక్‌బస్టర్ హిట్‌గా నిలవడమే కాకుండా వసూళ్ల పరంగా కూడా అదరగొట్టింది. ఇక ఇప్పుడు ‘కాంతార-2’తో మరోసారి ఇండియన్ బాక్సాఫీస్ వద్ద సరికొత్త రికార్డులు క్రియేట్ చేసేందుకు రిషబ్ శెట్టి సిద్దమవుతున్నాడు.
దీంతో పాటు ఆయన తెలుగులో ‘జై హనుమాన్’ చిత్రంలో కూడా యాక్ట్‌ చేస్తున్నాడు. ఇలా పాన్ ఇండియా చిత్రాలతో సందడి చేయబోతున్న రిషబ్ శెట్టి, ఇప్పుడు మరో క్రేజీ ప్రాజెక్టును ప్రకటించాడు. ‘ఛత్రపతి శివాజీ మహారాజ్’ చిత్రాన్ని అత్యంత ప్రతిష్టాత్మకంగా తెరకెక్కించేందుకు రిషబ్ శెట్టి రెడీ అవుతున్నాడు. ఈ సినిమాను సందీప్ సింగ్ డైరెక్ట్ చేస్తున్నాడని సమాచారం. ఈ మేరకు అనౌన్స్‌మెంట్ పోస్టర్‌తో అందరినీ అవాక్కయ్యేలా చేశాడు రిషబ్.
ఈ ప్రెస్టీజియస్ ప్రాజెక్టులో రిషబ్ శెట్టి శివాజీ మహారాజ్ పాత్రలో ఎలాంటి యాక్షన్‌ను తీసుకొస్తాడా అని అభిమానులు ఎంతో ఆసక్తిగా చూస్తున్నారు. ఇక ఈ సినిమాను 2027 జనవరి 21న ప్రపంచవ్యాప్తంగా విడుదల చేయనున్నట్లు చిత్ర బృందం ప్రకటించింది.
