తమిళ సూపర్ స్టార్ రజినీకాంత్ నటించిన జైలర్ చిత్రం బాక్సాఫీస్ దగ్గర ఎలాంటి సెన్సేషనల్ విజయాన్ని అందుకుందో తెలిసిన విషయమే. ఈ మూవీని డైరెక్టర్ నెల్సన్ తీర్చిదిద్దన తీరు, అనిరుధ్ రవిచందర్ అందించిన హై వోల్టేజ్ సంగీతం.. రజినీ మార్క్ స్టైల్‌తో ఈ సినిమా ప్రేక్షకులకు పూనకాలు తెప్పించిన సంగతి తెలిసిందే.
ఇక ఈ సినిమాలో కొందరు స్టార్స్‌ స్పెషల్ అట్రాక్షన్‌గా నిలిచి మెప్పించారు.వారిలో మోహన్ లాల్, శివ రాజ్‌కుమార్, జాకీ ష్రాఫ్ వంటి నటులు ఉన్నారు. వారి పాత్రలు కూడా సాలిడ్ ఇంపాక్ట్‌ను సృష్టించాయి. అయితే, ఇప్పుడు అందరి చూపు ‘జైలర్-2’పైనే ఉంది. నెల్సన్ ఇప్పటికే జైలర్-2 స్క్రిప్టును సిద్దం చేసుకున్నాడు. రజినీకాంత్ పుట్టిన రోజు డిసెంబర్ 12న ఉన్న సందర్భంగా డిసెంబర్ 5న ఓ సాలిడ్ ట్రీట్ కూడా ఇవ్వబోతున్నట్లు కోలీవుడ్ వర్గాల్లో టాక్‌ నడుస్తుంది.
అయితే, ఈసారి ‘జైలర్-2’లో మరిన్ని స్పెషల్ అట్రాక్షన్స్‌ను ఉండనున్నట్లు తెలుస్తుంది. మొదటి భాగంలో ఉన్న స్పెషల్ రోల్స్‌తో పాటు మరికొందరు స్టార్స్‌ను ‘జైలర్-2’లో పరిచయం చేయనున్నాడంట డైరెక్టర్. అయితే, ఈ స్పెషల్ అట్రాక్షన్స్ ఎవరెవరు అనేది ఇంకా చిత్ర బృందం ప్రకటించలేదు. ఇక మొదటి భాగంలో జైలర్ భార్యగా నటించిన రమ్యకృష్ణ పాత్రను ఈసారి వేరొకరు చేయబోతున్నారని మాత్రం తెలుస్తుంది. మరి వీటన్నింటికి సమాధానం దొరకాలంటే, జైలర్-2 మూవీ నుండి క్లారిటీ వచ్చే వరకు ఎదురు చూడాల్సిందే.
