హీరో సిద్ధార్థ్ నటించిన తాజా సినిమా ‘మిస్ యు’ నవంబర్ 29న విడుదల అవుతున్నట్లు చిత్ర బృందం గతంలో ప్రకటించిన సంగతి తెలిసిందే. ఈ మేరకు చిత్రానికి సంబంధించిన ప్రమోషన్స్ కూడా గ్రాండ్‌గా నిర్వహిస్తున్న సంగతి తెలిసిందే. ఇక ఈ సినిమా ప్రమోషనల్ కంటెంట్ కూడా ఆకట్టుకునేలా ఉండటంతో ప్రేక్షకుల్లో ఈ మూవీపై కొంతమేర బజ్ క్రియేట్ అయిన సంగతి తెలిసిందే.
అయితే, సినిమా విడుదల దగ్గరపడ్డ సమయంలో ఈ మూవీని వాయిదా వేస్తున్నట్లు మూవీ మేకర్స్ ప్రకటించారు. తమిళనాడులో వర్షాలు కురుస్తున్న నేపథ్యంలో ‘మిస్ యు’ సినిమా విడుదలను వాయిదా వేస్తున్నట్లు చిత్ర నిర్మాతలు అధికారికంగా తెలిపారు. ప్రేక్షకుల సంరక్షణే తమకు తొలి ప్రాధాన్యమని.. అందుకే పరిస్థితులు కుదుటపడే వరకు తమ సినిమా విడుదలను వాయిదా వేస్తున్నామని.. త్వరలోనే ఈ సినిమా కొత్త విడుదల తేదీని అనౌన్స్ చేస్తామని చిత్ర బృందం ప్రకటించింది.
ఇక ఈ సినిమాలో సిద్ధార్థ్ సరసన అందాల భామ ఆషికా రంగనాథ్ హీరోయిన్‌గా యాక్ట్‌ చేయగా, గిబ్రన్ సంగీతం అందిస్తున్న ఈ సినిమాను ఎన్.రాజశేఖర్ దర్శకత్వం వహిస్తున్నారు.
