టాలీవుడ్ స్టార్ హీరో విక్టరీ వెంకటేష్ నటిస్తున్న తాజా సినిమా ‘సంక్రాంతికి వస్తున్నాం’ ఇప్పటికే షూటింగ్ పనులు ముగించుకుని విడుదలకు సిద్దం అయ్యింది. ఈ సినిమాను సక్సె్స్ చిత్రాల దర్శకుడు అనిల్ రావిపూడి తెరకెక్కిస్తుండటం వెంకటేష్-అనిల్ రావిపూడి కాంబోలో మూడో సినిమాగా ఇది వస్తుండటంతో ప్రేక్షకుల్లో ఈ మూవీపై మంచి అంచనాలు భారీగానే ఏర్పడ్డాయి. ఇక ఈ సినిమా నుండి మేకర్స్ తాజాగా ఓ సాలిడ్ అప్డేట్ ప్రేక్షకుల ముందుకు తీసుకుని వచ్చారు.
‘సంక్రాంతికి వస్తున్నాం’ మూవీ నుండి ఫస్ట్ సింగిల్ సాంగ్‌గా ‘గోదారి గట్టు’ అనే పాటను విడుదల చేయనున్నట్లు చిత్ర బృందం ప్రకటించింది.ఈ పాట లిరికల్ వీడియోను డిసెంబర్ 3న విడుదల చేస్తున్నట్లు చిత్ర యూనిట్ తాజాగా ఓ పోస్టర్ ద్వారా తెలిపారు. ఇక ఈ పాటను రమణ గోగుల పాడటంమరో విశేషం. చాలా ఏళ్ల గ్యాప్ తరువాత రమణ గోగుల వెంకటేష్ సినిమాకు పాట పాడుతున్నారు. ఆయనతో పాటు మధుప్రియ కూడా ఈ పాటను ఆలపించింది.
భీమ్స్ సిసిరోలియో సంగీతం అందిస్తున్న ఈ సినిమాలో వెంకటేష్ సరసన అందాల భామలు మీనాక్షి చౌదరి, ఐశ్వర్య రాజేష్ హీరోయిన్లుగా చేశారు. ఈ సినిమాను దిల్ రాజు, శిరీష్ ప్రొడ్యూస్ చేస్తుండగా, సంక్రాంతి కానుకగా ఈ సినిమాను జనవరి 14న గ్రాండ్ విడుదలకు రెడీ గా ఉంది.
