జాతీయ నటుడు అల్లు అర్జున్ యాక్ట్‌ చేస్తున్న ప్రెస్టీజియస్ మూవీ ‘పుష్ప-2’ డిసెంబర్ 5న గ్రాండ్ విడుదలకు సిద్దం అవతుంది. డైరెక్టర్‌ సుకుమార్ తెరకెక్కిస్తున్న ఈ సినిమా బాక్సాఫీస్ దగ్గర ఎలాంటి రికార్డులు క్రియేట్ చేస్తుందా అని అందరూ ఎంతో ఆసక్తిగా ఎదురుచూస్తున్నారు.
ఇక ఈ సినిమాకు సంబంధించిన షూటింగ్ పనులు ముగిసినట్లు సమాచారం. ఈ సినిమా షూటింగ్ చివరి రోజు సందర్భంగా అల్లు అర్జున్ ఓ ఇంట్రెస్టింగ్ ట్వీట్ ని పోస్ట్‌ చేశాడు. ‘5 ఏళ్ల జర్నీ ఎట్టకేలకు ముగిసింది..’ అంటూ సెట్స్‌లోని ఓ ఫోటోను తన సోషల్ మీడియా అకౌంట్‌లో అభిమానులతో పంచుకున్నాడు.
ఇలా బన్నీ పుష్ప, పుష్ప-2 సినిమాల కోసం ఎంతగా శ్రమించాడో అందరికీ తెలిసిందే. దీంతో బన్నీ పడ్డ కష్టానికి తగిన ప్రతిఫలం తప్పక అందుతుందని అభిమానులు ఎదురు చూస్తున్నారు. రష్మిక హీరోయిన్‌గా నటిస్తున్న ఈ సినిమాకు దేవిశ్రీ ప్రసాద్ సంగీతం ఇచ్చాడు.
